Xelq'ara kechürüm teshkilati qolgha élin'ghan tibetliklerning iz dérikini sürüshte qildi

Merkizi en'gliyidiki xelq'ara kishilik hoquq teshkilatliridin hésablan'ghan kechürüm teshkilati charshenbe küni doklat élan qilip, xitay hökümitining 3 ‏ - ayda lxasada yüz bergen naraziliq jeryanida qolgha élin'ghan 1000 din artuq tibetlikning ehwali heqqide ochuq ipade bildürüshini telep qildi.
Muxbirimiz eqide xewiri
2008-06-19
Share

 Mezkür teshkilatning bildürüshiche, hökümet naraziliq namayishini basturush jeryanida 1000 din oshuq tibetni qolgha alghan bolup, bularning ichidiki az bir qisim kishiler üstidinla sot échilip, höküm élan qilin'ghan.

Xelq'ara kechürüm teshkilati asiya rayonigha mes'ul xadimining éytishiche, xitay saqchiliri we bixeterlik xadimliri weqe yüz bergende nechche yüzligen butxanilargha hujum qilghandin sirt, kishilerning öylirigiche basturup kirip, qol téléfun, kompyutér qatarliqlarni yighiwélip, eger kim chet'el axbaratlirining ziyaritini qobul qilsa türmige tashlinidighanliqi heqqide tehdit salghan.

Ténch yosunda öz pikirini bayan qilghanliq sewebidin shara'iti nachar türmilerge tashlan'ghan nechche minglighan tibetliklerning qaysi türmilerge qamalghanliqi we jinayiti toghrisida höküm élan qilinmisa , ularning a'ile tawabatlirining qéyin ehwalgha chüshüp qalidighanliqini bildürgen kechürüm teshkilati xitayning bu ehwalni derhal bir terep qilishini telep qildi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet