خەلقئارا ئاخباراتچىلار جەمئىيىتى خىتاي ژۇرنالىست لى چاڭچىڭغا ئاخبارات ئەركىنلىكى مۇكاپاتى بەردى

ئۈچ كۈن داۋام قىلغان دۇنيا ئاخباراتچىلىرى جەمئىيىتىنىڭ دۇنيا ئاخباراتچىلىرى قۇرۇلتىيىدا خىتاي ژۇرنالىست لى چاڭچىڭغا ئاخبارات ئەركىنلىكى بۇيىچە ئالتۇن قەلەم مۇكاپاتى بېرىلدى.
ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭ ﺧﻪﯞﯨﺮﻯ
2008-06-02
Share

 لى چاڭچىڭ خىتايدا تارقالغان خەتەرلىك قىززىتما كېسىلىنى دۇنياغا ئاشكارىلىغىنى ئۈچۈن خىتاي تەرىپىدىن 2 يىللىق قاماق جازاسىغا يولۇققان ۋە بۇ يىل 2 ‏ - ئايدا جازا مۇددىتى توشۇپ قويۇپ بېرىلگەن. نۆۋەتتە ئۇ يەنىلا خىتايدا ياشاۋاتقان بولۇپ، ئۇنىڭ شىۋىتسىيىگە كېلىپ مۇكاپاتنى تاپشۇرۇۋېلىشى دۆلەتنىڭ توسقۇنلۇقىغا ئۇچرىغان.

ئۇنىڭ مۇكاپاتىنى مۇھاجىرەتتىكى خىتاي يازغۇچىسى لى جيبەنخۇڭ ۋاكالىتەن تاپشۇرۇپ ئالغان. ئۇ مۇكاپات تاپشۇرۇۋېلىش پۇرسىتىدە، پاسپورت ئالالمىغىنى ئۈچۈن يىغىنغا كېلەلمىگەن مۇكاپات ساھىبىنىڭ مەكتۇپىنى ئوقۇپ ئۆتكەن. مەكتۇپتا خىتايدىكى مۇخبىرلىق ھەققىدە مۇنداق دېيىلگەن: " خىتايدا ياخشى مۇخبىر بولۇش ئۈچۈن يالغۇز بىلىملىك بولۇش كۇپايە قىلمايدۇ. تېخىمۇ مۇھىمى تەۋەككۈلچى بولۇش كېرەك يەنى خەتەرگە كۆكرەك كېرىيەلىشى كېرەك."

 بۇ، خىتاي مۇخبىرلىرىغا ئارقا - ئارقىدىن ئىككى قېتىم ئاخبارات مۇكاپاتى بېرىلىشى بولۇپ، 2007 ‏ - يىللىق مۇكاپات خىتايدىكى مەشھۇر كىشىلىك ھوقۇق پائالىيەتچىسى شى تاۋغا بېرىلگەن ئىدى.

بۇ قېتىمقى دۇنيا ئاخباراتچىلىرى قۇرۇلتىيىغا 1800 دىن ئارتۇق كىشى قاتناشقان.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت