Хәлқара ахбаратчилар җәмийити хитай журналист ли чаңчиңға ахбарат әркинлики мукапати бәрди

Үч күн давам қилған дуня ахбаратчилири җәмийитиниң дуня ахбаратчилири қурултийида хитай журналист ли чаңчиңға ахбарат әркинлики буйичә алтун қәләм мукапати берилди.
Мухбиримиз шөһрәт һошур хәвири
2008-06-02
Share

 Ли чаңчиң хитайда тарқалған хәтәрлик қиззитма кесилини дуняға ашкарилиғини үчүн хитай тәрипидин 2 йиллиқ қамақ җазасиға йолуққан вә бу йил 2 ‏ - айда җаза муддити тошуп қоюп берилгән. Нөвәттә у йәнила хитайда яшаватқан болуп, униң шивитсийигә келип мукапатни тапшурувелиши дөләтниң тосқунлуқиға учриған.

Униң мукапатини муһаҗирәттики хитай язғучиси ли җйбәнхуң вакалитән тапшуруп алған. У мукапат тапшурувелиш пурситидә, паспорт алалмиғини үчүн йиғинға келәлмигән мукапат саһибиниң мәктупини оқуп өткән. Мәктупта хитайдики мухбирлиқ һәққидә мундақ дейилгән: " хитайда яхши мухбир болуш үчүн ялғуз билимлик болуш купайә қилмайду. Техиму муһими тәвәккүлчи болуш керәк йәни хәтәргә көкрәк керийәлиши керәк."

 Бу, хитай мухбирлириға арқа - арқидин икки қетим ахбарат мукапати берилиши болуп, 2007 ‏ - йиллиқ мукапат хитайдики мәшһур кишилик һоқуқ паалийәтчиси ши тавға берилгән иди.

Бу қетимқи дуня ахбаратчилири қурултийиға 1800 дин артуқ киши қатнашқан.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт