Konda liza rayis xitayni ziyaret qildi

Amérika tashqi ishlar ministiri kondaliza rayis yekshenbe küni xitayni ziyaret qilip, xitay tashqi ishlar ministiri yang ji'échi bilen xitay - amérika munasiwetliri jümlidin shimaliy koriye mesilisi we alte terep söhbiti heqqide pikir almashturushni asasliq kün tertipke qoyghan.
Muxbirimiz ümidwar xewiri
2008-06-29
Élxet
Pikir
Share
Print

 Lékin u,xitaygha yétip kelgen shu künila sichü'enning yer tewresh apitige uchrighan jayigha bérip, apetke uchrash ehwalini kördi hem tonushturushlarni anglidi. Shinxu'aning xewiride éytilishiche, rayis xanim junggoning apettin qutuldurush ishlirigha yuqiri baha bergen.

U, xitayning apettin qutquzush ishlirida xelq'ara jemiyetning yardimini qobul qilidighanliqini élan qilishi hemde qobul qilishini maxtap, buni birma herbiy hökümitining xelq'ara jemiyetning déngiz börining apitige uchrighan kishilerge körsetmekchi bolghan yardemlirige tosqunluq qilghanliqi bilen sélishturup, xitayning bu jehette özgichilikini körsetkenlikini mu'eyyenleshtürgen.

Konda liza rayis sichüen sepiridin kéyin xitay tashqi ishlar ministiri yang ji'échi bilen resmiy körüshüp, söhbet élip barghan. Söhbet jeryanida ikki dölet munasiwetliri, teywen mesilisi, shimaliy koriye mesilisi qatarliq köp mesililer heqqide pikir almashturulghan.

Rayis xanimning bu uchrishishida tibet we kishilik hoquq mesililiri muzakire qilindimu yoq, hazirche namelum bolmisimu, lékin xitay terep dalay lamaning wekilliri bilen ötküzülidighan resmiy söhbetning pat yéqinda eslige kélidighanliqini ashkarilighan. Ariliqta xitay bu söhbetni toxtitip qoyghan idi.

Toluq bet