Kishilik hoquq közitish teshkilati, béyjing olimpikigha kapaletchi bolghan shirketlerni tenqid qildi

Merkizi nyuyorktiki kishilik hoquqni közitish teshkilati düshenbe küni bayanat élan qilip, béyjing olimpik yighinigha kapaletchi bolghan 12 shirketni xitayda kishilik hoquqning depsende qilinishigha köz yumup, ijtima'iy mes'uliyettin özini qachurdi" dep tenqid qildi.
Muxbirimiz gülchéhre xewiri
2008-08-19
Share

 Mezkur teshkilat yene, kapaletchi shirketlerning xelq'ara olimpik komitétigha bésim ishlitip, mezkur komitét qarmiqida, kishilik hoquq depsendichilikini közitidighan mexsus organ tesis qilishni we buningdin kéyinki olimpik yighinlirigha nazaretchilik qilishini teshebbus qilishni telep qildi.

Kishilik hoquqni közitish teshkilati bayanatida, béyjing olimpik yighinigha shérik bu 12 shirketning hemmisini tenqidligen bolup, ularning kapaletchilikini qolgha keltürüsh üchün 866 milyon dollar serp qilghanliqini ilgiri sürgen.

Mezkur organ yene, bu shirketlerning ayrim yaki kolléktip halda béyjing olimpik yighini bilen munasiwetlik kishilik hoquq depsendichilikige qarshi turmighanliqini eyibligen. Bu shirketler metbu'at cheklimisi, aqqun ishchilar hoquqi, öy igilirini mejburiy köchürüsh weqelirige köz yumdi"dep eyiblendi.

Eyiblen'gen shirketler ichide amérika ammibap éléktir shirkiti, koka kola, kodak, oméga, panasonik, samsung qatarliqlar bar.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet