Хәлқаралиқ рай синаш, хитай хәлқиниң һөкүмәтниң ахбарат сияситигә қарши икәнликини ашкарилиди

Йеқинда америка мариланд университетиниң "дуня җамаәт пикри" намлиқ тор бетидә, дунядики 20 дөләттә елип берилған, ахбарат әркинликини қоллаш - қоллимаслиқ һәққидики рай синашниң нәтиҗиси елан қилинған.
Мухбиримиз әқидә хәвири
2008.05.01

 Рай синаш хуласисида, һөкүмәт ахбарат әркинликини чәклимәслики керәк дәп аваз бәргүчиләр, аргинтинада %70, мексикида %79, мисирда %64, хитайда болса %58 ни игилигән.
 
Хитай һөкүмити бүгүнгә қәдәр ахбарат әркинликини чәкләп келиватқан вә бу чәклимисини хитайниң алаһидә әмәлий әһвалиға уйғун дәп тәрипләп келиватқан иди. Хитай йәнә, өзлириниң ахбарат җәһәттики контролини хитай хәлқиниң тоғра дәп қарайдиғанлиқини ипадиләп кәлгән иди.

 Көзәткүчиләрниң қаришичә, бу рай синаш нәтиҗисигә асасланғанда, нөвәттә хитай ичи - сиртида давам қиливатқан ғәрб ахбаратиға қарши намайишлар, хитай хәлқиниң көп қисминиң ирадисини әкс әттүрәлмәйду.
Мунасивәтлик хәвәрләр
Дуня хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.