Явропа иттипақи русийә - грузийә мәсилиси һәққидә җиддий йиғин чақириду
Мухбиримиз үмидвар хәвири
2008.08.31
2008.08.31
Русийиниң абхазийә билән җәнубий оссетийиниң мустәқиллиқини етирап қилиши билән хәлқара җәмийәтниң җүмлидин явропа иттипақиниң ғул - ғулиси күчәйгән болуп, явропа иттипақи бурунла русийиниң җәнубий оссетийәгә әскәр киргүзүшини таҗавузчилиқ билән әйиблигән һәмдә москва билән тиблис арисида уруш тохтитиш келишиму түзүштә актип рол ойниған иди.
Әнгилийә баш министири бровн явропа иттипақиниң русийә билән болған мунасивитини түптин қайта ойлиниш керәк, русийиниң енергийә арқилиқ явропаниң гелидин боғушиға йол қоймаслиқ керәк дәп тәкитлигән.
Грузийә мәсилиси сәвәбидин русийә нато билән болған һәмкарлиқниму тохтатқанлиқини җакарлиған һәтта русийә сиясәтчилири арисида русийә явропани газ вә нефит билән тәминләшни тохтитиш керәк дәйдиған пикирләрму мәйданға чиққан. Чүнки, русийә явропани тәбий газ вә нефит билән тәминләйдиған асаслиқ дөләттур.
Русийиниң абхазийә вә җәнубий ассетийиниң мустәқиллиқини етирап қилиши америкиниңму тәнқидигә учриған болуп, һазирғичә һеч қандақ дөләт бу икки мәмликәтни етирап қилмиған. Бу әһвал русийиниң ғәрб билән болған мунасивәтлирини соғуқлаштурмақта.
Көп көрүлгән хәвәрләр
RFA
- Турпан каризлири: уйғурлардин айрип, хитай ширкәтлириниң пайдисиға йүзләндүрүлүватқан каризлар
- Абдувәли аюп: “хитайға берип келиватқан уйғурларниң көпийиши җиддий мәсилә!”
- “уйғур” намини өзгәртиш немигә зөрүр болуп қалди?
- Һамутхан көктүрк: хитайниң пули билән хитайниң меһмани болуп вәтәнгә барғанлар шәрқий түркистан дәвасиға хиянәт қилған болиду
- Кикбоксчи абдусәмәт тәвәккүл: “нишаним дуня чемпийони болуп, шәрқий түркистанни дуняға тонутуштур”