Лозанда хитайда өткүзүлмәкчи болған олимпик мусабиқисигә қарши зор көләмлик намайиш елип берилди

Ихтиярий мухбиримиз әкрәм
2021-06-23
Share

Явропадики уйғурлар, тибәтләр, моңғуллар, хоңкоңлуқлар вә хәлқаралиқ кишилик һоқуқ тәшкилатлири бирликтә бейҗиң қишлиқ олимпик мусабиқисигә қарши намайиш өткүзди.

Бүгүн, йәни 6-айниң 23-күни "хәлқара олимпик күни" мунасивети билән д у қ ниң тәшәббуси, "шәрқий түркистан тәшкилатлири һәмкарлиқ мунбири" ниң қарари, уйғур, тибәт, моңғул, хоңкоңлиқлар һәмдә башқа хәлқаралиқ кишилик һоқуқ тәшкилатлириниң һәмкарлиқида шиветсарийәниң лозан шәһридики хәлқара олимпик комитетиниң мәркизи бинаси алдида 2022-йиллиқ бейҗиң қишлиқ олимпик мусабиқисигә қарши кәң көләмлик намайиш елип берилған.

Бу қетимқи намайиш д у қ 2018-йили 4-айниң 27-күни белгийә пайтәхти бирюсселда, 2018-йили 11-айниң 7-күни җәнвәдики б д т бинаси алдида өткүзгән "5 миң кишилик намайиш" тин кейинки йәнә бир қетимлиқ көлими зор намайиш болуп һесаблинидикән. Намайишқа явропаниң һәрқайси шәһәрлиридин көплигән уйғурлар келип қатнашқандин сирт, тибәтләр, хоңкоңлуқлар, моңғуллар вә явропадики бәзи кишилик һоқуқ тәшкилатлириму қатнашқан. Шуниң билән биргә, бүгүн йәнә д у қ ниң чақириқи билән явропа, америка, авистралийә қатарлиқ қитәдики 40 тин артуқ дөләттә "ирқий қирғинчилиқ олимпикини байқут қилайли" дегән шуар астида охшаш мәқсәдтә намайишлар елип берилған.

Шиветсарийәниң лозан шәһридики намайиш чүштин кейин саәт 13:00 дә шәрқий түркистанниң вә тибәтниң истиқлал марши билән башланған. Намайиш муқәддимисидә д у қ рәиси долқун әйса әпәнди уйғурчә вә ингилизчә нутуқ сөзләп, хитайниң шәрқий түркистанда елип бериватқан "ирқий қирғинчилиқ" җинайәтлирини қаттиқ әйиблигән.

Төвәндә лозандин зияритимизни қобул қилған бирқисим уйғурларниң мәзкур намайиш тоғрисидики тәсиратлирини һозуруңларға сунимиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт