Béyjingda namayish ötküzgen 6 neper amérikiliq chégradin chiqiriwétildi

Seyshenbe küni kechte tibet herikitini qollaydighan 6 neper amérikiliq, changga shekillik olimpik meydanigha yéqin jayda namayish élip barghanliqi üchün béyjing saqchiliri teripidin qolgha élindi.
Muxbirimiz eqide xewiri
2008-08-20
Share

 Istansimiz igiligen melumatlargha qarighanda, béyjing olimpik tenterbiye murasimi ötküzülüwatqan peytte, " erkin tibet oqughuchilar herikiti" teshkilatining orunlashturushi bilen béyjingda köp qétim naraziliq namayishliri ötküzülgen bolup, seyshenbe küni olimpik meydanining yénidiki olimpik baghchisida 5 neper amérikiliq " tibetke erkinlik " dep yézilghan lozunkini kötürüp 20 sikunt ötkende saqchilar teripidin tutup kétilgen.

Yene bir amérikiliq tetqiqatchi nur arqiliq "tibetke erkinlik" dégen'ge oxshash ibarilerni kishiler köp toplashqan jaylarda körsetmekchi boluwatqanda saqchilar bayqap qélip, umu qolgha élin'ghan.

Olimpik bashlinip hazirgha qeder 4 qétim naraziliq namayishliri yüz berdi, ötken heptining axiri ikki kishi etigen sa'et 5 tin 45 minut ötkende merkizi téléwiziye istansisining téxi pütmigen binasigha xitayche we in'gilizche yéziqta " tibetke erkinlik" dep yézilghan lozunkini ésip qoyghan idi.

Xitay saqchiliri lozunka asqan ikki kishi we namayish ötküzgen 3 kishini chégradin qoghlap chiqirip, ularning 5 yil ichide qayta kirishini chekligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet