Xitayda tarqilishqa bashlighan ejellik balilar wirusida 30 bala qaza qildi

Bu yil martning bashliridin bashlap xitayning bezi ölkiliride tarqilishqa bashlighan ejellik balilar wirusi hazirgha kelgüche 30 neper balining jénigha zamin bolghan bolup, birleshme agéntliqining körsitishiche, sehiye - saqliqini saqlash xadimliri bu xil wirusta yuqumlan'ghanlarning sanining 20 mingdin ashqanliqini bildürgen.
Muxbirimiz jüme xewiri
2008.05.08

 Xewerde körsitishiche, mezkur put - qol, éghiz - burun yuqumlinidighan bu xil wirusta xitayning xénen ölkiside 180 balining yuqumlan'ghanliqi xewer qilin'ghan bolup, bularni ichide ikki bala ölüp ketken hemde netijide bu xil wirusta xitay boyiche ölgen balining sani bügün 30 yetken.

 EV71 Yaki éntérowirus dep atilidighan wirus adette, put - qol we éghiz‏ - burun etrapida yuqumlinish peyda qilidighan bolup, bu xil wirus bilen yuqumlan'ghanda qizish alametliri körünidiken hemde yuqumlinish bashqa egeshme késelliklerni keltürüp chiqiridiken.

Mutexessislerning körsitishiche, eger EV71 wirusi bilen yuqumlan'ghan bimarni 24 sa'et ichide doxturgha körsetmise ölüm - yétim hadisiliri körülüsh éhtimalliqi yuqiri bolidiken.

Melum bolushiche, bu wirustin yuqumlinish xitayning enxuy ölkiside birqeder éghir bolup, hazirgha kelgüche yuqumlan'ghuchilarning sani 7 ming etrapigha yetken hemde bu xil wirus bilen yuqumlinish xitayning chingxey, ichki mongghuliye, awmén qatarliq ölke rayonlirida körülüshke bashlighan bolsimu, emma téxi hazirghiche Uyghur élide yuqumlinish ehwali körülmigenliki melum.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.