Хитай олимпик йиғининиң ечилиш мурасими күни бейҗиң айродромини тақайду

Олимпик мәзгилидә тасадипи келишмәсликләрниң йүз берип қелишидин әнсирәп бихәтәрлик тәдбирлирини үзлүксиз күчәйтиватқан хитай һөкүмити, бу тәдбирләрниң бир қисими сүпитидә олимпикниң ечилиш мурасими күни бейҗиң айродромини тақашни қарар қилған.
Мухбиримиз әркин хәвири
2008.07.18
Share on WhatsApp
Share on WhatsApp

 Ройтерс ахбарат агентлиқиниң бейҗиңдики һава йоллири саһәсидики әрбаплардин нәқил кәлтүрүшичә, даириләр бихәтәрлик амиллирини көздә тутуп, 8 ‏ - айниң 8 ‏ - күни йәни бейҗиң олимпик йиғининиң ечилиш мурасими күни бейҗиң айродромини һава қатнишиға тақашни қарар қилған.

" Шаңхәй әтигәнлик хәвәрләр гезити" шу күни саәт 20:00 дин саәт 24:00 кичә болған 4 саәтлик вақит ичидә бейҗиң айродромидин һечқандақ айрупилан учмайдиғанлиқини яки һечқандақ айропиланниң қонушиға болмайдиғанлиқини билдүрди. Шу сәвәбтин 8 ‏ - авғуст күни шаңхәйдин бейҗиңға учидиған 20 йолучилар айропиланиниң учуш вақти кечиктүрүлгән яки бикар қилинған.

Хитай даирилириниң бихәтәрлик тәдбири буниң билән қалмай, бейҗиң пуқралириға террордин қоғдиниш қолланмиси тарқитип, уларни террорчилиқтин келидиған 39 түрлүк йошурун хәвптин һушяр болушқа агаһландурған. Бу хәвпләр партлитиш, от қоюш, етиш, гөрүгә елиш шундақла химийилик, биологийилик вә ядро һуҗумлирини өз ичигә алған. Қолланмида " әгәр сиз террорчилар тәрипидин гөрүгә елинсиңиз, қол телефуниңизни тиқивелиң " дәп тәкитләнгән.

Хитай һөкүмити "шәрқий түркистан күчлири" ниң олимпик йиғинида вәқә садир қилиш хәвпи барлиқини, йеқинда "5 террорчи гуруһ" ни паш қилғанлиқини илгири сүргән болсиму, лекин аталмиш бу " террорчи гуруһлар" ға даир бирәр маддий пакитни елан қилип баққан әмәс.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.