Xitay olimpik yighinining échilish murasimi küni béyjing ayrodromini taqaydu

Olimpik mezgilide tasadipi kélishmesliklerning yüz bérip qélishidin ensirep bixeterlik tedbirlirini üzlüksiz kücheytiwatqan xitay hökümiti, bu tedbirlerning bir qisimi süpitide olimpikning échilish murasimi küni béyjing ayrodromini taqashni qarar qilghan.
Muxbirimiz erkin xewiri
2008.07.18
Share on WhatsApp
Share on WhatsApp

 Roytérs axbarat agéntliqining béyjingdiki hawa yolliri sahesidiki erbaplardin neqil keltürüshiche, da'iriler bixeterlik amillirini közde tutup, 8 ‏ - ayning 8 ‏ - küni yeni béyjing olimpik yighinining échilish murasimi küni béyjing ayrodromini hawa qatnishigha taqashni qarar qilghan.

" Shangxey etigenlik xewerler géziti" shu küni sa'et 20:00 din sa'et 24:00 kiche bolghan 4 sa'etlik waqit ichide béyjing ayrodromidin héchqandaq ayrupilan uchmaydighanliqini yaki héchqandaq ayropilanning qonushigha bolmaydighanliqini bildürdi. Shu sewebtin 8 ‏ - awghust küni shangxeydin béyjinggha uchidighan 20 yoluchilar ayropilanining uchush waqti kéchiktürülgen yaki bikar qilin'ghan.

Xitay da'irilirining bixeterlik tedbiri buning bilen qalmay, béyjing puqralirigha térrordin qoghdinish qollanmisi tarqitip, ularni térrorchiliqtin kélidighan 39 türlük yoshurun xewptin hushyar bolushqa agahlandurghan. Bu xewpler partlitish, ot qoyush, étish, görüge élish shundaqla ximiyilik, bi'ologiyilik we yadro hujumlirini öz ichige alghan. Qollanmida " eger siz térrorchilar teripidin görüge élinsingiz, qol téléfuningizni tiqiwéling " dep tekitlen'gen.

Xitay hökümiti "sherqiy türkistan küchliri" ning olimpik yighinida weqe sadir qilish xewpi barliqini, yéqinda "5 térrorchi guruh" ni pash qilghanliqini ilgiri sürgen bolsimu, lékin atalmish bu " térrorchi guruhlar" gha da'ir birer maddiy pakitni élan qilip baqqan emes.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.