Béyjingdiki öyliridin mejburi köchürüwétilgen 20 ge yéqin kishi naraziliq namayishi ötküzdi

4 - Awghust düshenbe küni béyjingdiki öyliridin mejburi köchürüwétilgen 20 ge yéqin kishi naraziliq namayishi ötküzgen bolup, birleshme agéntliqida xewer qilinishiche, bu namayishchilar 2003 - yili olimpikke alaqidar qurulush sewebidin öyliridin köchürülgen, emma hazirghiche muwapiq tölemge érishelmigen kishiler iken.
Muxbirimiz jüme xewiri
2008.08.04

 Xewerde neqil élip körsitilishiche, meshchi lyu fumiy özlirining olimpikke qarshi emeslikini, lékin hökümetning olimpik sewebidin bularning öylirini chiqiwétishining xata ikenlikini bildürgen.

Melum bolushiche, mezkur namayishchilarning öyliri jaylashqan merkizi béyjing rayonigha hazir xelq'araliq dangliq marka soda sarayliri sélin'ghan zamaniwi soda rayoni berpa qilin'ghan.

Namayishchi ma shiyulen, mezkur rayonda soda rayoni tereqqiy qildurghuchilarning olimpikni bahane qilip özlirining makanlirini tartiwélishqa heqqi yoq ikenlikini hemde özlirining peqet olimpik üchünla öz hoquqini qoghdimasliqqa qarap turalmaydighanliqini bildürgen.

Namayishchilargha saqchilar tosqunluq qilmighan bolsimu, emma namayish yüz bergen rayonning a'ililikler komitéti xadimliri namayishchilarning qayturup élip ketken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.