Аққун ишчилар олимпиктин бурун бейҗиңдин айрилишқа буйрулди

Бейҗиңда тирикчилик қиливатқан барлиқ хитай аққун ишчилар олимпиктин бурун бейҗиңдин айрилишқа буйрулған болуп, буниңдин мәқсәт, бейҗиңниң шәһәр қияпитини яхшилаш вә қурулуш орунлирида иш тохтитиш арқилиқ бейҗиңниң һава сүпитини өстүрүш икән.
Мухбиримиз җүмә хәвири
2008.07.24
Share on WhatsApp
Share on WhatsApp

 Франсийә агентлиқида көрситилишичә, бейҗиң шәһиридин чиқип кетишкә буйрулған аққун ишчилар ичидә олимпик мусабиқә түрлири өткүзүлидиған тәнтәрбийә мәйданлирида ишлигән ишләмчиләрму бар икән.

Мәзкур ишләмчиләрниң көпинчисидә бейҗиңда вақитлиқ туруш кинишкиси йоқ болғачқа улар бейҗиңдин айрилишқа мәҗбур болған.

Икки йилдин бери олимпик мәйданлирида електир ишлири билән шуғулланған дәй фамилилик бир ишчи, һөкүмәт органлири олимпик мунасивити билән уларни бейҗиңда турушқа рухсәт қилмиғанлиқини билдүргән. Әмма бейҗиң шәһәрлик һөкүмәтниң ахбарат ишханисидикиләр бейҗиңдики аққун ишчиларни чиқип кетишкә алақидар бәлгилимә чиқирилғанлиқини рәт қилған.

Хәвәрдә йүән исимлик бир ишчиниң ейтқанлирини нәқил елип көрситилишичә, бейҗиңдин айрилиш алда турған йүән, буниңдин адаләтсизлик һес қиливатқанлиқини, әмма бейҗиңниң қиста - қистаң вә мәйнәт болуп кәтмәслики һәмдә олимпикниң утуқлуқ өтүши учун бейҗиңдин айриливатқанлиқини ипадилигән.

Хитайда аққун ишчиларниң әмгәк һоқуқи еғир дәпсәндә қилинидиған болуп, бу кишилик һоқуқ җәмийәтлириниң диққитини қозғиған мәсилиләрниң бири болуп, кишилик һоқуқ паалийәтчилириниң қаришичә, аққун ишчиларниң әмгәк һоқуқлири олимпиккә алақидар қурулушлардиму дәпсәндичиликкә учриған икән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.