Президент буш бейҗиңда сөз әркинликини тәкитлиди

Америка президенти җорҗ буш бейҗиң олимпик йиғининиң ечилиш мурасими башлиништин бир қанчә саәт илгири бейҗиңда сөз қилип, хитай даирилирини сөз әркинликини қоюветишкә йәнә бир қетим үндиди. Буш бу сөзләрни шу күни америкиниң бейҗиңдики йеңи әлчихана бинасиниң ечилиш мурасимида тәкитлиди.
Мухбиримиз әркин хәвири
2008-08-08
Share

 У мундақ дәйду ": мән шуниңға ишинимәнки, сөз вә ипадә әркинликигә йол қойған җәмийәт нормалда тинч вә гүлләнгән җәмийәтттур". У йәнә америка билән хитайниң өз ‏ - ара һөрмәт вә ишәнч асасида зич мунасивәт турғузғанлиқини, шуңа өзиниң хитай рәһбәрлиригә хитайниң сияситини йошурмай, түзүт қилмай тәнқид қилидиғанлиқини билдүрди. Буш " мән йәнә бизниң йәр шаридики ортақ мәсулийитимизни ) хитайға( үзлүксиз тәкитләймән," дәйду.

Президент буш бейҗиңға йетип келиштин бурун тайланд пайтәхти банкокта хитай кишилик һоқуқ хатирисини тәнқидләп, хитай даирилириниң өктичи затлар, кишилик һоқуқ паалийәтчилирини вә диний затларни тутқун қилишиға қәтий қарши туридиғанлиқини билдүргән иди.

Президент бушниң тәнқидигә қарита хитай ташқи ишлар министирлиқи баянатчиси чин гаң инкас қайтуруп, җуңгониң һәр қандақ шәхсниң кишилик һоқуқ вә диний әркинликтин пайдилинип башқа дөләтләрниң ички ишлириға арилишишиға қарши туридиғанлиқини тәкитлигән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт