Prézidént bush béyjingda söz erkinlikini tekitlidi

Amérika prézidénti jorj bush béyjing olimpik yighinining échilish murasimi bashlinishtin bir qanche sa'et ilgiri béyjingda söz qilip, xitay da'irilirini söz erkinlikini qoyuwétishke yene bir qétim ündidi. Bush bu sözlerni shu küni amérikining béyjingdiki yéngi elchixana binasining échilish murasimida tekitlidi.
Muxbirimiz erkin xewiri
2008-08-08
Share

 U mundaq deydu ": men shuninggha ishinimenki, söz we ipade erkinlikige yol qoyghan jem'iyet normalda tinch we güllen'gen jem'iyetttur". U yene amérika bilen xitayning öz ‏ - ara hörmet we ishench asasida zich munasiwet turghuzghanliqini, shunga özining xitay rehberlirige xitayning siyasitini yoshurmay, tüzüt qilmay tenqid qilidighanliqini bildürdi. Bush " men yene bizning yer sharidiki ortaq mes'uliyitimizni ) xitaygha( üzlüksiz tekitleymen," deydu.

Prézidént bush béyjinggha yétip kélishtin burun tayland paytexti bankokta xitay kishilik hoquq xatirisini tenqidlep, xitay da'irilirining öktichi zatlar, kishilik hoquq pa'aliyetchilirini we diniy zatlarni tutqun qilishigha qet'iy qarshi turidighanliqini bildürgen idi.

Prézidént bushning tenqidige qarita xitay tashqi ishlar ministirliqi bayanatchisi chin gang inkas qayturup, junggoning her qandaq shexsning kishilik hoquq we diniy erkinliktin paydilinip bashqa döletlerning ichki ishlirigha arilishishigha qarshi turidighanliqini tekitligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet