Olimpik yighini xitayda kishilik hoquqning yaxshilinishida ijabiy rol oyniyalmighan

Kishilik hoquq teshkilatliri xitay hökümitining olimpik jeryanida xitaydiki öktichi zatlar we qarshi pikirdikilerni basturushni kücheytkenlikini bildürüshken bolup, fransiye agéntliqida körsitilishiche, olimpik yighini xitayda kishilik hoquqning yaxshilinishida ijabiy rol oyniyalmighan.
Muxbirimiz jüme xewiri
2008-08-18
Share

 Xewerde körsitilishiche, olimpik yighini eslide xitaydiki kishilik hoquqning yaxshilinishida hel qilghuch rol oynaydu dep qaralghan bolsimu, emma kishilik hoquqni közitish teshkilatidiki xitay tetqiqatchisi nikolas békulin, eksiche olimpikining xitaydiki kishilik hoquq tereqqiyatini astilitip qoyghanliqini ilgiri sürgen.

U yene, olimpik yighinining xitaydiki kishilik hoquqning yaxshilinishida qilchimu rol oyniyalmighanliqini hemde mushu munasiwet bilen kishilik hoquq pa'aliyetchilirige qaritilghan basturushning kücheytilgenlikini bildürgen.

Hemmimizge melum bolghinidek, xitay 2001 - yili olimpik sahibxanliqini élish aldida, axbarat erkinlikini oz ichige alghan kishilik hoquqning her qaysi terepliride ilgirilesh hasil qilidighanliqini wede qilghan idi.

Gherb axbaratlirida körsitilishiche, gerche béyjing olimpik yighini bashlan'ghinigha bir heptidin ashqan bolsimu, emma xitayda chet'el axbarat wasitilirige qaritilghan cheklesh, naraziliq namayishlirigha ruxset bermeslik we öktichilerni nezerbend qilishni kücheytishke oxshash qilmishlarning héchqaysisida yumshash bolghini yoq.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet