Xitay herbiy emeldari béyjing olimpikining körülüp baqmighan xeterge duch kelgenlikini bayan qildi

Xitay azadliq armiyisi qomandanliq shtabining mes'ulliridin ma shyawtyen yekshenbe roytéris agéntliqining ziyaritini qobul qilip, béyjing olimpikining éghir derijide bixeterlik tehditi astida turuwatqanliqini bayan qilghan.
Muxbirimiz shöhret hoshur xewiri
2008-06-02
Share

 Ma shyawtyen sözide xelq'aradiki térrorluq küchlirining zoriyishi béyjing olimpikini bundin burunqi olimpiklargha sélishturghanda éghir derijide bixeterlik xetirige duch keltürdi dep bildürgen. Emma u béyjing olimpikige tehdit dep qarighan térrorchilar guruhining namini tilgha almighan.

Xitay dölet bixeterlik ministirliqi aldinqi aydiki bayanatida, oxshashla xitayning térrorluqning tehditi astida ikenlikini bildürgen we özlirige xatirjemlik bermeywatqan térrorchilar guruhining sherqi türkistan küchliri ikenlikini bayan qilghan idi.

Aldinqi ayda yene, xelq'ara saqchi orginining bashliqi ronalda nobél ependi söz qilip, adette olimpikning tebi'itide bixeterlik mesilisi mewjutluqini, chünki pütün dunya közini tikken bu mezgilning awazini dunyagha anglitalmaywatqan guruppilar üchün tépilmas bir purset ikenlikini, shunga béyjing olimpikiningmu térrorluq hujumigha uchrash xewpi barliqini bayan qilghan idi. Ronalda nobilning bildürginidek, 1972 ‏ - yilidiki myunxén olimpikida bir pelestinlikning hujumida 12 neper isra'il puqrasi ölgen. 1996 ‏ - Yilidiki atlanta olimpikida bomba partlash yüz bérip bir kishi ölgen 100 din artuq kishi yaridar bolghan.
 
Xitay olimpik bixeterliki mesiliside chet'eldiki Uyghur pa'aliyetchilirini eyiblep kelmekte. Uyghur pa'aliyetchiliri bolsa olimpik bixeterlikini kapaletke élishning yoli bashqilarni eyiblesh emes, siyasitini islah qilish ikenlikini bildürmekte.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet