Shangxeyde bir xitay yash, saqchi idarisigha hujum qilip besh saqchini öltürdi

 Shangxey gézitining 1 ‏ - iyul künidiki xewiride éytilishiche, béyjingliq we yang famililik 28 yashliq xitay, ötken yil wélisipit oghrilap saqchilar teripidin qolgha élin'ghan bolup, u öch élish muddi'asida aldi bilen saqchi idarisining ishikige ot qoyghan, qalaymiqanchiliqtin paydilinip saqchi idarisigha suqunup kiriwalghan.

Shangxey géziti jinayi ishlar qanun adwukatining sözini neqil keltürüp, yangning süyiqest bilen adem öltürüsh jinayiti sadir qilghan dep qarilip, ölüm jazasigha höküm qilinidighanliqini élan qilghan.

Xitayda pat arida ötküzülidighan béyjing olimpik murasimi harpisida, xitayning her qaysi jaylirida her xil weqeler sadir bolup, hökümetni qattiq sarasimgha salmaqta.

 Térrorluq hujum sheklini alghan mezkür jinayetning, süyiqest bilen adem öltürüsh dep élan qilin'ghanliqini bildürgen d u q ning bayanatchisi dilshat réshit, xitayda bu xil térrorluq hujumlirining dawamliq yüz bériwatqanliqini tekitlidi.