Xelq'ara axbaratchilar jem'iyiti xitay zhurnalist li changchinggha axbarat erkinliki mukapati berdi

Üch kün dawam qilghan dunya axbaratchiliri jem'iyitining dunya axbaratchiliri qurultiyida xitay zhurnalist li changchinggha axbarat erkinliki buyiche altun qelem mukapati bérildi.
Muxbirimiz shöhret hoshur xewiri
2008-06-02
Share

 Li changching xitayda tarqalghan xeterlik qizzitma késilini dunyagha ashkarilighini üchün xitay teripidin 2 yilliq qamaq jazasigha yoluqqan we bu yil 2 ‏ - ayda jaza mudditi toshup qoyup bérilgen. Nöwette u yenila xitayda yashawatqan bolup, uning shiwitsiyige kélip mukapatni tapshuruwélishi döletning tosqunluqigha uchrighan.

Uning mukapatini muhajirettiki xitay yazghuchisi li jybenxung wakaliten tapshurup alghan. U mukapat tapshuruwélish pursitide, pasport alalmighini üchün yighin'gha kélelmigen mukapat sahibining mektupini oqup ötken. Mektupta xitaydiki muxbirliq heqqide mundaq déyilgen: " xitayda yaxshi muxbir bolush üchün yalghuz bilimlik bolush kupaye qilmaydu. Téximu muhimi tewekkülchi bolush kérek yeni xeterge kökrek kériyelishi kérek."

 Bu, xitay muxbirlirigha arqa - arqidin ikki qétim axbarat mukapati bérilishi bolup, 2007 ‏ - yilliq mukapat xitaydiki meshhur kishilik hoquq pa'aliyetchisi shi tawgha bérilgen idi.

Bu qétimqi dunya axbaratchiliri qurultiyigha 1800 din artuq kishi qatnashqan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet