Xitay saqchiliri sichüendiki yer tewreshte ölgen oqughuchilarning ata - anilirini qolgha aldi

Xitay saqchiliri shenbe küni sichüen ölkisining dujiyangyen shehiride, sheherlik hökümet binasi aldida namayish qilishqa urun'ghan, yéqinda yüz bergen yer tewreshte mektep binalirining chöküp kiyishi netijiside ölgen oqughuchilarning ata - anilirini qolgha aldi.
Muxbirimiz ömer qanat xewiri
2008-06-21
Share

 Sichüendiki yertewreshte, mektep binasining örülüp chüshüshi netijiside bir qizi ölgen, hujiyen isimlik bir kishining dujiyangyen shehiridin roytéris agéntliqigha bildürüshiche, xitay saqchiliri naraziliq herikiti élip bérishqa urun'ghan birnechchiligen kishilerni qolgha alghan.

Köpchilikke melum bolghandek, sichüende yüz bergen yer tewreshte 70000 etrapida adem ölgen bolup, bularning 9000 nepiri oqughuchilar. Bu oqughuchilarning hemmisi mektep binalirining yer tewreshte chöküp kétishi netijiside qurban bolghan idi.

Yertewreshte ölgen oqughuchilarning ata - aniliri mektep binalirining yasilishi jeryanida mezkur binalarning yer tewreshke chidamliq derijisige diqqet qilmighan we binalarni tekshürmigen dep munasiwetlik hökümet da'irilirini eyiblimekte hemde hökümettin bu mesilide mes'uliyiti körülgen hökümet xadimlirini jazalishini telep qilmaqta.

Lékin bezi xewerlerge qarighanda, yerlik hökümet da'iriliri ata - anilarning shkayetlirini anglash uyaqta tursun, naraziliq herikitige qatnashqan ata - anilarni tutup - qamap, naraziliq herikitini toxtitishi üchün ulargha tehdit qilmaqta iken
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet