Dunya soda teshkilatining aptomobil zapchasliri erzide xitay amérikigha utturuwetti

Dunya soda teshkilati jüme küni amérika qatarliqlarning paydisigha höküm chiqirip, xitayning chet'el aptomobil zapchasliri importigha cheklime qoyghanliqi dunya soda teshkilatining aldida öteshke tégishlik mes'uliyitige toghra kelmeydighanliqini élan qildi.
Muxbirimiz erkin xewiri
2008.07.18
Share on WhatsApp
Share on WhatsApp

 Dunya soda teshkilati xitaydin " qalaymiqan ölchemlerni bikar qilip... Öteshke tégishlik mejburiyitini qéliplashturush" ni telep qilghan.

Xitayning belgilimiside aptomobil zapchaslirining az dégende %60 i yerliktin teminlinishi kérek idi. Eger import qilin'ghan zapchaslar buningdin éship ketse, pütün bir aptomobilning import béji élinatti. Xitay hökümiti bu belgilimini aptomobil import qilidighan bezi shirketlerning bajdin qéchip, aptomobillarni parchilap import qilishidin saqlinishni meqset qilghan, dep aqlimaqta idi.

Lékin amérika, kanada we yawropa ittipaqi xitayning bu belgilimisi dunya soda teshkilatining bazarni échiwétish toghrisidiki munasiwetlik qa'ide - qanunlirigha xilap, dep qarap erz qilghan. Weqedin xewerdar kishiler, merkizi jenwediki dunya soda teshkilatining bu délogha alaqidar hökümini bu yil 2 ‏ - ayda chiqarghanliqi, lékin jüme küni resmiy élan qilghanliqini bildürmekte.

Amérika soda wekili suzan shwab, soda teshkilatining " küchlük qarari"din "nahayiti memnun " bolghanliqini élan qildi. U" bu qarar xitayning amérika aptomobil zapchaslirini chetke qéqishigha dunya soda teshkilati sistémisi ichide orun yoqluqining shek - shübhisiz ikenlikini körsetti" deydu. Lékin xitayning dunya soda teshkilatining bir kollégiyisi teripidin chiqirilghan bu qarargha étiraz bildürüsh, soda teshkilatidiki yuqiri derijilik yene bir kollégiyisige erz qilish hoquqi bar.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet