Xitay ichki énérgiye bahasini östürdi

Xitay hökümiti énérgiye bahasini kontrol qilip, dunya bazirida néfit bahasining örlep kétishige sewebchi bolush heqqidiki tenqidlerning bésimida énérgiye bahasini östürdi we bu siyasetni jüme kündin bashlap resmiy yolgha qoydi.
Muxbirimiz erkin xewiri
2008-06-20
Share

 Xitay döletlik tereqqiyat we islahat komitéti bénzin bilen dézil méyining bahasini  %16 din  %18 östürgendin kéyin, bu tengshesh peyshenbe kündin bashlap xelq'ara énérgiye bazirida inkas qozghap, her baril xam néfitning bahasi shu küni 5 dollar chüshti shundaqla xitayning shangxey, shénjén aksiye bazirida pay chéki bahasi örlidi.

Xitayning bu herikiti se'udi erebistanda échilidighan xelq'ara néfit yighini bashlinishtin ikki kün burun élan qilin'ghan bolup, bu yene xitay - amérika istratégiyilik iqtisad söhbiti emdi axirlashqan mezgilge toghra keldi. Énérgiye mesilisi amérikining annapolis shehiride ötküzülgen istratégiyilik iqtisad söhbitidiki muhim muzakire témilirining biri idi. Yighinda amérika terep xitayning énérgiye yardem pulini bikar qilishini telep qilghan idi.

Analizchilarning eskertishiche, béyjing hökümitining xitay karxanilirigha béridighan énérgiye yardem puli, karxanilarning néfit we gazni bahagha qarimay sétiwélishigha yol échip, dunya bazirida énérgiye bahasining qizip kétishige türtke bolghan. Xitay döletlik tereqqiyat we islahat komitétining qarari buyiche bir tonna dézilning parche sétilish bahasi 6520 yüen, bénzinning bahasi 6980 yüen'ge chiqqan. Bu dégenlik bir litir dézil 92 tiyin, bénzin 80 tiyin örlidi, dégenliktur.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet