Tyen'enmén herikitining pilanlighuchiliridin chén ziming: "xitay emeldarliri insaniyetke we dunyagha qarshi" dédi

Xitay siyasiy öktichiliri béyjing olimpikining 1936 - yilidiki bérlin olimpikige oxshap qalmasliqini, xitayning siyasiy qurulmisida özgirish élip kélishini ümid qilidighanliqini ipadileshmekte.
Muxbirimiz jüme xewiri
2008-07-28
Share

 Roytérsta körsitishiche, 1989 - yilidiki tyen'enmén oqughuchilar herikitining pilanlighuchilirining biri we shu sewebtin xitayda 13 yil türmide yatqan chén ziming düshenbe küni sédniy shehiride söz qilip, béyjing olimpikini 1988 - yilidiki koriyide élip bérilghan sé'ul olimpikige oxshash xitay siyasiy sehnisige ijabiy özgirish élip kélishini ümid qilidighanliqini bildürdi.

Gerche xitaydiki ziyaliylar qatlimi we awam xelq bu nöwetlik béyjing olimpikining her jehettin utuqluq bolushini, eng muhimi xitay siyasiy sistémisigha démokratiyini élip kirishini ümid qilidighan bolsimu, emma xitay hoquq sehnisidiki emeldarlarning bu xil arzugha qarshi ikenlikini otturigha qoyghan chén “ emeldarlar bu olimpikini 1936 - yilidiki bérlin olimpikige oxshitip qoyushqa qistawatqan selbiy küchlerdur” dédi.

Chén yene, xitayning hakimiyet béshidiki emeldarlarning olimpik pozitsiyisi heqqide toxtilip: “ular olimpikini dunyada yaxshi ataqqa érishish üchün ishlitiwatidu, emeliyette ular insaniyetke we dunyagha qarshi” dédi.

Chén zimingning sepdishi bolghan wang jüntawmu béyjing olimpikining xitaygha héchqandaq özgirish élip kélelmeydighanliqini bildürgen we olimpiktin kiyin xitayda yenila bay - kembeghellik arisidiki perq, ijtima'iy we siyasiy tengsizliklerning yenila éship baridighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet