Шаңхәйдики өктичиләр чәтәл мухбирлириниң зияритини қобул қилмаслиқ тәһдитигә учриди

Хоңкоңдики җуңго кишилик һоқуқ вә демократийә учур мәркизи, шаңхәй даирилириниң өктичиләр, фалунгуң әзалири вә башқа тәнқидчиләргә қарита алаһидә чарә қолланғанлиқини паш қилди.
Мухбиримиз әқидә хәвири
2008-06-26
Share

 Әнгилийә б б с радио телевизийә - ширкити, җуңго кишилик һоқуқ вә демократийә учур мәркизиниң сөзини нәқил кәлтүрүп, шаңхәй җамаәт хәвпсизлик идарисиниң, өктичиләр, әрздарлар вә йәр асти диний тәшкилат әзалириға уқтуруш чиқирип, уларниң һәр һәптидә бир қетим иш - паалийәтлири һәққидә сақчиларға доклат сунушни тәләп қилғанлиқини билдүргән.

Хәвәрләргә қариғанда, сақчилар тәрипидин чиқирилған уқтуруш, 1 ‏ - април күнидин 31 ‏ - өктәбир күнигичә инавәтлик болуп, олимпик мурасими мәзгилидики бихәтәрлик үчүн йолға қоюлған мәзкүр түзүмгә хилаплиқ қилғучилар, қилмишиниң еғир - йиникликигә қарап агаһландуруш, қолға елиш шуниңдәк қанун буйичә җавабкарлиққа тартилиш җазалириға учрайдикән.

Хитай һөкүмити, олимпик мәзгилидә әгәр чәтәл мухбирлири идарә, шәхс вә тәшкилатларниң зияритини қобул қилиш мақуллуқини алдин қолға кәлтүрәлисила, уларға техиму көп әркинлик берилидиғанлиқиға вәдә бәргән иди.

Бирақ, хитайдики чәтәллик мухбирлар кулуби 4 ‏ - айда, олимпик мәшили тибәткә йетип кәлгәндә, мухбирларниң әркинликиниң қаттиқ контрол қилинғанлиқини билдүргән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт