" Olimpik meydanining arqisigha xitaydiki nurghun ijtima'iy mesililer yoshurun'ghan "

Melum bolushiche, hazir xitayda kocha yaymichiliridin, ziyaliylarghiche her sahe kishiliri ichide xitay olimpikige naraziliq pikirliri xéli éghir bolsimu, emma ular xitay hökümet da'irilirining öch élishidin qorqup öz naraziliqini nahayiti yoshurun yosunda ipadileshke mejbur iken.
Muxbirimiz jüme xewiri
2008-08-04
Share

 Béyjing olimpik yighinining échilish murasimi we bashqa asasliq musabiqe türliri élip bérilidighan " qush uwisi" tenterbiye meydanining layihilinishige meslihetchi süpitide teklip qilin'ghan awan'gart sen'etkar we tenqidchi ey wéywéy bolsa, mezkur olimpik meydanining arqisigha xitaydiki nurghun ijtima'iy mesilerning yoshurun'ghanliqini shunga meslihetchilik wezipisidin waz kechkenlikini bildürgen we bu meydanni "saxta tebessum" dep atighan.

Birleshme agéntliqida xewer qilinishiche, " medeniyetlik sheher ahalisi ehdinamisi" gha qol qoyushqa mejburlan'ghan shijyaju'ang shehiride turushluq jang famililik tor béti layihiligüchi, olimpikning özidek adettiki kishiler bilen köp alaqisi bolmisimu, emma xitay hökümitining obrazi üchün hemmeylenning öz turmush adetlirini özgertishke mejburlan'ghanliqini bildürgen.

Béyjing kochilirida muz qaymaq satidighan 53 yashliq özini wu dep tonushturghan yaymichi, olimpik munasiwiti bilen tazilash élip bérishta yaymisini taqashqa mejburlan'ghan bolup, u özi bilidighan kishilerning yérimi dégüdek olimpik yighinining patraq ayaghlishishini kütüwatqanliqini bildürgen hemde: " bu dölet üchün bir parlaq sehipe bolsa, ziyan tartidighini yenila adettiki xelq " dégen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet