Xitay b d t ning sudan'gha yürgüzgen qoral - yaraq imbargosigha xilapliq qilghan

 B b s ning "köznek" programmisida ispatlishiche, ular darfur rayonidin xitayda ishlen'gen herbiy aptomobillarni bayqighan bolup, bu herbiy aptomobillar 2005 ‏ - yili sudan'gha éksport qilin'ghan iken. B b s ning xewiride yene, xitayning ilgiri sudan'gha éksport qilin'ghan chyang ‏5 ‏ - tipliq hujumchi ayropilanning uchquchilirini terbiyilep bergenliki, bu ayropilanlarning darfur rayonida uchush meshghulati élip baridighan ayropilanlar ikenlikini bildürdi.

Xitayning herikiti b d t ning sudan'gha qoral - yaraq imbargosi yürgüzüsh toghrisidiki munasiwetlik qararlirigha pütünley xilap, dep qaralmaqta. B d t imbargo qararida her qaysi döletlerning darfur rayonida toqunushiwatqan terepler bilen herbiy alaqe we qoral - yaraqlar sodisi élip bérishni chekligen idi.

B d t ning statistika qilishiche, darfurda toqunush partlighandin béri 300 minggha yéqin adem ölgen. Xelq'ara sot mehkimisining bash teptishi bolsa sudan prézidénti ömer el - beshirni irqiy qirghinchiliq, insandarchiliqqa qarshi turush jinayiti sadir qilish bilen eyiblep, qolgha élishni telep qilghan idi.

Xitay hökümiti b b s ning xewirige derhal inkas qayturushni ret qilghan, lékin shinxu'a agéntliqi b b s ning xewirini xitaygha " qara chaplash" shundaqla "yaman gherezlik" dep eyibligen.