Xitay yer tewreshtin kélip chiqidighan naraziliqlardin endishe qilmaqta

 12 ‏ - Iyun sichüende yüz bergen yer tewreshte ölgen adem sani 70 minggha yetken, bularning ichide nechche minglighan yash ösmürlermu hayatidin ayrildi we 5 milyon adem oy - makansiz qaldi.

Yer tewreshte perzentliridin ayrilghan ata ‏ - anilar, mektep xarabiliqlirida topliship teziye bildürüsh pa'aliyiti élip barghan idi, ata ‏ - anilarning bir yerge yighilishidin endishe qilghan xitay saqchiliri, hetta mekteplerni pütünley qamal qilip, ata ‏ - anilarning yéqinlishishini chekligen.

 Béychüen rayonigha tewe jaylarda örülüp chüshken bir qanche mektep saqchilar teripidin qamal qilin'ghan bolup, amérika birleshme agéntliqi peyshenbe küni, örülüp chüshken ottura mektep aldigha 50 din artuq kishining toplashqanliqini, buningdin xewer tapqan saqchilarning derhal mektep tewelikige chégra tosup, kishilerning yéqinlishishini chekligenlikini neqil keltürgen.

17 Yashliq bir balining ata ‏ - anisi roytérs agéntliqining ziyaritini qobul qilip, gerche mektep da'iriliri mektep binasini intayin puxta sélin'ghan dégen bolsimu, emma qurulush matériyallirining nahayiti nachar ikenliki heqqide ispat körsiteleydighanliqini bildürgen.