جۈمە كۈنى، خىتاي سەھىيە مىنىستىرلىكى، خىتاينىڭ خوڭكوڭ چېگرىسى يېقىندىكى، فوشان شەھىرىدە ئۆلگەن 18 ئايلىق كىچىك بىر بالىنىڭ ئې ۋ 71 ۋىرۇسى بىلەن ئۆلگەن بولۇشى مۇمكىنلىكىنى، جاكارلىدى.
بۇ ۋىرۇسنىڭ تارقىلىشى كەلتۈرۈپ چىقىرىدىغان ئاقىبەتلەردىن قاتتىق ئالاقزادە بولۇپ كەتكەن خىتاي سەھىيە مىنىستىرلىكى، شەنبە كۈنى بىر ئۇقتۇرۇش چىقىرىپ، يەرلىك سەھىيە دائىرلىرىنى، ئولىمپىك ھارپىسىدا، ۋىرۇسنىڭ تارقىلىشىنىڭ ئالدىنى ئېلىش ئۈچۈن بارلىق چارە - تەدبىرلەرنى قوللىنىشقا چاقىرغان.
ئې ۋ 71 ۋىرۇسى مارت ئېيىنىڭ باشلىرىدا، خىتاينىڭ ئەنخۇي ئۆلكىسىدە ئوتتۇرىغا چىققان بولۇپ، 22 كىچىك بالىنىڭ ئۆلىشىنى كەلتۈرۈپ چىقارغان ھەمدە 3300 كىشى مەزكۇر ۋىرۇس بىلەن يۇقۇملانغانلىقى ئېنىقلانغان ئىدى.