Йүннәндә хитай сақчилири билән йеза аһалиси оттурисида тоқунуш йүз бәрди

Хоңкоңда чиқидиған "миңбав " гезитиниң хәвәр қилишичә, йәкшәнбә күни, хитайниң йүннән өлкисиниң малипо наһийисидики бир йеза аһалиси билән сақчилар оттурисида йүз бәргән тоқунушта, икки киши сақчилар тәрипидин етип өлтүрүлгән вә 20 дин артуқ адәм яриланған.
Мухбиримиз өмәр қанат хәвири
2008-04-22
Share

 Хәвәрдә ейтилишичә, авғуст ейида ичилидиған, бейҗиң олимпик тәнһәрикәт йиғини һарписида, хитайда бирәр вәқә чиқип қилишидин қаттиқ әнсирәватқан бейҗиң һөкүмити, зиҗин алтун кан ширкити тәрипидин мусадирә қилинған йәрлири үчүн берилгән төләм пулни қобул қилмиған йеза аһалисиниң наразилиқ һәрикитини тездин бастурушқа урунған.

Шинхуа агентлиқиниң хәвәр қилишичә, малипо наһийисидә пичақ, калтәк қатарлиқ қораллар билән қоралланған 70 әтрапида йеза хәлқи зиҗин алтун кан ширкити ишчилири билән йеза аһалиси оттурсидики җедәлни тохтитиш үчүн районға әвәтилгән сақчиларға һуҗум қилип, бәш сақчини яридарландурған.

Хәвәрдә ейтилишичә, сақчилар билән йеза аһалиси оттурисида йүз бәргән тоқунушларда бир киши сақчилар тәрипидин ейтип өлтүрүлгән вә 10 киши яриланған. Хитай кишилик һоқуқ тәшкилатлириниң билдүрүшичә, сақчиларниң оқ чиқириши нәтиҗисидә яриланған 5 кишиниң әһвали еғир икән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт