6 Нәпәр хитай сақчисини өлтүргән яң җяға өлүм җазаси берилди

Бейҗиң олимпики ечилиш һарписида шаңхәй шәһиридики мәлум сақчиханиға һуҗум қилип 6 нәпәр хитай сақчисини пичақлап өлтүргән вә бир нәччисини яриландурған яң җяға өлүм җазаси берилгән болуп, бирләшмә агентлиқида нәқил қилинишичә, яң җя үстидә ечилған сот 26 - авғуст йепиқ һаләттә елип берилған.
Мухбиримиз җүмә хәвири
2008.09.01

 Хәвәрдә көрситилишичә, бу йил 28 яшлиқ яң җяға қәстән адәм өлтүрүш җинайити артилған болуп, сот һөкүми шаңхәй шәһәрлик 2 - сот мәһкимиси тәрипидин чиқирилған.

Хәвәрдә көрситишичә, сот мәһкимиси яң җяниң роһий сағламлиқи үстидинму тәкшүрүш елип барған һәмдә униң роһий җәһәттә сағлам икәнликини бекиткән болуп, яң җяму өзиниң адәм өлтүрүш җинайитини иқрар қилған.

Хитай сақчи даирилириниң баянатиға қариғанда, бу йил июлниң биринчи күни яң җя пичақ, болқа вә партлатқуч дориларни көтүргән һалда шаңхәй шәһири җабей районлуқ сақчиханисиға һуҗум қилған вә 6 сақчини пичақ тиқип өлтүргәндин кейин 4 нәпирини еғир яриландурған.

Сақчиларниң билдүрүшичә, у алдинқи йили велисипит оғрилаш гумандари сүпитидә мәзкур сақчихана тәрипидин тәкшүрүлгән болғачқа, шуңа у бу һуҗумни сақчилардин өч елиши үчүн елип барған икән.

Чәтәлләрдики хитай өктичилири яң җяни қәһриман санап яң җя палван дәп аташқан иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.