Yaponiye xitaydiki qutquzushqa herbiy ayrupilan ewetishtin waz kechti

Yaponiye da'iriliri jüme küni xitayning sichüen ölkisidiki yer tewresh apet rayonigha ewetidighan yardem buyumlirini herbiy ayrupilanda toshush pilanidin , xitaylarni bi'aram qilghanliqi sewebidin waz kechkenlikini élan qildi.
Muxbirimiz erkin xewiri
2008-05-30
Share

Eger bu pilan emelge ashqan bolsa, bu yaponiye herbiylirining 2 ‏ - dunya urushidin kéyin tunji qétim qayta xitay zéminigha ayagh bésishi bolup qalatti.

Yaponiye hökümitining bayanatchisi machimoru, xitaygha ewetilidighan chédir we qutquzush buyumlirining hawa yoli transport esliheliride toshulidighanliqini jakarlidi. Machimoru, "hazirche qoghdinish qisimlirining herbiy ayrupilanlirini ishlitish pilani yoqluqi"ni, chünki herbiy ayrupilanda toshush pilani xitayda bezi bi'aramchiliqlarni qozghighanliqini bildürdi.

Yaponiye aldinqi küni xitayning yardem buyumlirini köpeytish telipige asasen qutquzush buyumlirini herbiy ayrupilanda yötkeydighanliqini bildürgen. Bu xewer xitay tor betliride nahayiti jiddiy munazire qozghighan. Machimoru, "eger bu talash - tartish qozghaydighan mesile bolup qalsa undaq qilinmasliqi kérek " deydu.
 
Yaponiye dölet mudapi'e ministiri ishiba xitayning bu mesilidiki bi'aramchiliqini ötmüshtiki eslimilerge baghlighan. U , xitayning "yaponiyige nisbeten bashqa döletlerge oxshimighan eslimisi bar " dep tekitlidi.

Xitay tashqi ishlar ministirliqi bayanatchisi, peyshenbe küni yaponiyining insanperwerlik yardimini qarshi alidighanliqini, lékin qutquzush xizmitige yaponiye armiyisining qatnishish mesilisini xitay - yaponiye dölet mudapi'e ministirlikliri kéngiship bir terep qilidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet