Сичуәндә йүз бәргән йәр тәврәштә 900 миң адәм апәткә учриған

Хитайниң сичуән өлкисиниң пәнҗихуа районида 30 - авғуст шәнбә күни 6.1 Бал йәр тәврәп, һазирға қәдәр 40 адәмниң өлгәнлики, 900 миң кишиниң апәттә қалғанлиқи мәлум болди.
Мухбиримиз гүлчеһрә хәвири
2008.09.02
 Сичуәндә буниң алдида йәни12 - майда йүз бәргән чоң йәр тәврәш апити 70 миң әтрапида адәмниң өлүшини кәлтүрүп чиқарған иди.

Америка авази радиосиниң хәвиридә көрситилишичә, чеңкүн төмүр йолиниң пәнҗихуа бөлүки пүтүнләй вәйран болған болуп, күнмиңдин бу районға қатнайдиған барлиқ төмүр йол линийилири тохтитилған. Бу районға җайлашқан бир полат тавлаш завутидин зәһәрлик хемийилик суюқлуқ тарқиған. Хәлқаралиқ қизил кирист җәмийити нөвәттә хәлқараниң бу апәт райониға ярдәм әвәтишини тәләп қилишни ойлашмақта икән.

Хитай йәр тәврәшни өлчәш идарисиниң бүгүн тарқатқан әң йеңи мәлуматиға асасланғанда, йәр тәврәштә 40 адәм өлгән, яриланғанлар 675 кә йәткән. Йәр тәвригән районниң омумий нопуси 940 миң болуп, 390 миң еғиз өй өрүлгәндин сирт, бу җайдики мәктәп завут, карханилар һәммисидә охшимиған дәриҗидә өрүлүш, дәз кетиш көрүлгәчкә иштин тохтиған.

Бу тәврәш йүннән билән сичүәнниң чегрисида йүз бәргән болуп, қаттиқ ямғур һәмдә қатнаш қолайсизлиқи қатарлиқ түрлүк сәвәбләр түпәйлидин қутулдуруш ишлири тосалғуға учримақта икән.

Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.