“5-июл вәқәси” гә беғишланған мәхсус әсәрләр

Һөрмәтлик достлар! алдинқи программимизда, 2009 – йили 26 – июн күни гуаңдуңда йүз бәргән паҗиә һәққидә ишләнгән программимизни бәргәнидуқ. Бу қетимқи программимизда “5-июл вәқәси” гә беғишланған мәхсус программиларни аңлайсиләр. “ахирида сөйүнгүл җанишиф ханимниң “көз йешида нәмләнгән земин” намлиқ әсириниң давами диққитиңларда болиду.

2012.07.07


Йиғлима ана

( 5 - Июл қәһриманлири тилидин )

Мәрдан шиери

Сирдишим, муңдушум миһрибан ана
Түрмидин йоллудум салам мән саңа.
Уйғурниң һөрлүки қан төкмәй кәлмәс.
Рази бол балаңдин йиғлима ана

явузлар қолумға җүп койзасалса
Алдиңда дүкүшләп ттирип маңса
Мәғруртур төкмә яш әгмә бешиңни
Пәхирлән оғлуңдин йиғлима ана

Бәдәнгә тоқмақлар тәгсә урулуп
Путумни кишәнләп сәп қойсақулуп
Әп маңсаалдиңдин саңа көрсүтүп
явларға ялвуруп йиғлима ана

Дүшмәнниң қолида чиқсиму җиним
Сәл болуп сүпсүзүк ақсиму қиним
явузлар алдида игилмәс бешим
Һәсирәттә балаңға йиғлима ана

Һөрлүк дәп туғулдуқ янмаймиз һәргиз
Йүрәктә хәлқимниң буйриқи пәриз
Шуңлашқа таллидуқ әрк йолини
Һәргизму зарлинип йиғлима ана

Дүшмәнниң тохмиқи тәгсә бишимға
Итлири хирис қилип кәлсә қишимға
Ичинип сән миниң ушбу һалимға
Аһ балам дәп һәргиз йиғлима ана

Сәбирқил җан ана сәбирни дос тут
Ойлисаң балаңни елиңни дос тут
Бизгиму бир күни таңлар атиду
Мәрданә бол мәңгү йиғлима ана

Рази бол балаңдин хәлқимму рази
Оғлуңмән әл үчүн җан бәрсәм рази
Тапиниң астида балаңниң җәннити
Разилиқ бәр маңа йиғлима ана

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.