“5-Iyul weqesi” ge béghishlan'ghan mexsus eserler

Yighlima ana

( 5 - Iyul qehrimanliri tilidin )

Merdan shi'éri

Sirdishim, mungdushum mihriban ana
Türmidin yolludum salam men sanga.
Uyghurning hörlüki qan tökmey kelmes.
Razi bol balangdin yighlima ana

Yawuzlar qolumgha jüp koyzasalsa
Aldingda düküshlep ttirip mangsa
Meghrurtur tökme yash egme béshingni
Pexirlen oghlungdin yighlima ana

Beden'ge toqmaqlar tegse urulup
Putumni kishenlep sep qoysaqulup
Ep mangsa'aldingdin sanga körsütüp
Yawlargha yalwurup yighlima ana

Düshmenning qolida chiqsimu jinim
Sel bolup süpsüzük aqsimu qinim
Yawuzlar aldida igilmes béshim
Hesirette balanggha yighlima ana

Hörlük dep tughulduq yanmaymiz hergiz
Yürekte xelqimning buyriqi periz
Shunglashqa talliduq erk yolini
Hergizmu zarlinip yighlima ana

Düshmenning toxmiqi tegse bishimgha
Itliri xiris qilip kelse qishimgha
Ichinip sen mining ushbu halimgha
Ah balam dep hergiz yighlima ana

Sebirqil jan ana sebirni dos tut
Oylisang balangni élingni dos tut
Bizgimu bir küni tanglar atidu
Merdane bol menggü yighlima ana

Razi bol balangdin xelqimmu razi
Oghlungmen el üchün jan bersem razi
Tapining astida balangning jenniti
Raziliq ber manga yighlima ana