Abduréhim nizarini we uning bir qisim shé'irliri we cheklen'gen eserler

Hörmetlik radi'o anglighuchi dostlar, bügünki “Yoruq sahillar” programmimizda silerge aldi bilen meshhur sha'ir, zamanining höküma katipi, jama'et erbabi abduréhim nizarini we uning bir qisim shé'irlirini tonushturup ötimiz.

Andin “Cheklen'gen eserler” sehipisi boyiche, söyün'gül janishif xanim yazghan: “Köz yéshida nemlen'gen zémin” namliq eserning dawamini anglaysiler.

Gunah

Bir burun sansiz eyibni hemmidin tapti purap,
Yette qat yerdin qusur, köktiki aydin gunah.
Dédi tagh mangmaydiken, derya peqet tinmaydiken,
Kün néchün ölmeydiken, tapti u saydin gunah.


Ne üchün oghul töreldi, bu qorsaqta ـــey anــa!
Ne üchün Uyghur yaratting bu zémin'gha ـــey xــــuda.
Ne üchün berding uninggha shunche kengri yer zéــــmin,
Men purap taptim uningdin yerge sighmas chong gunah.


Hörmetlik radi'o anglighuchi dostlar! mana bu shé'ir, 18 - esir Uyghur edebiyatining katta sha'iri, ré'alizmliq dastanchiliqining asaschisi, newa'ishunas we newa'ining iz basari dep teriplen'gen, dangliq ölima, zamanining eng chong jama'et erbabi we eyni yillarning qeshqer hakimi zohuriddin hakimbegning bash meslihetchisi we xas katipi abduréhim nizarining bolup, bügünki sehipimizde aldi bilen silerge abduréhim nizarining qisqiche hayat pa'aliyiti we wekillik eserliri tonushturulghan programmimizni anglap ötisiler.