ھەممىمىزگە مەلۇم، ئالدىنقى ھەپتە تۈركىيە جۇمھۇرىيىتىنىڭ باش مىنىستىرى رەجەپ تاييىپ ئەردوغان باشچىلىقىدىكى تۈركىيە ھەيئىتى ئۈرۈمچىدە بىر كۈنلۈك زىيارەتتە بولدى. دۇنيا مەتبۇئاتىدا بۇ زىيارەت ھەققىدە كەڭ كۆلەملىك خەۋەر بېرىلىپلا قالماي، ھەرخىل مۇلاھىزە ۋە مۇنازىرىلەر ئېلىپ بېرىلدى، ماقالە - ئوبزورلار يېزىلدى. بىز بۇ خەۋەر ۋە ماقالىلەرنى ۋاقتى - ۋاقتىدا رادىئومىزدا ئېلان قىلىپ تۇرغانىدۇق. ئارىدىن ئىككى ھەپتە ئۆتكەن بولسىمۇ، بۇ زىيارەتنىڭ ئەكس سادالىرى ھېلىغىچە دۇنيا مەتبۇئاتىنى مەشغۇل قىلىپ تۇرماقتا. بۈگۈنكى پروگراممىمىزدا ئەردوغاننىڭ ئۈرۈمچى زىيارىتى جەريانىدا تىلغا ئېلىنمىغان بەزى مەسىلىلەرنى چۆرىدىگەن ھالدا يېزىلغان «يەنە كەلگىن ئەردوغان» ناملىق ماقالىنى ھۇزۇرۇڭلارغا سۇنىمىز. ماقالىنى تۈركىيىدىن ھىلال قەلەمگە ئالغان بولۇپ، پروگراممىنى باتۇر تەييارلىدى.
0:00 / 0:00