"Exmetjan osman tallanma shé'irliri" türkiyede neshir qilindi

Muxbirimiz erkin tarim
2015-04-19
Élxet
Pikir
Share
Print
Sha'ir exmetjan osman yaponiyede ziyarette. 2015-Yili mart, kyoto.
Sha'ir exmetjan osman yaponiyede ziyarette. 2015-Yili mart, kyoto.
RFA/Qutluq


Tonulghan Uyghur sha'iri exmetjan osman ependining "Exmetjan osman tallanma shé'irliri" namliq shé'irlar toplimi türkiyede neshirdin chiqti.

Yaponiye hoso uniwérsitétining oqutquchisi muqeddes xanim teripidin neshirge teyyarlan'ghan 239 betlik kitabqa, tonulghan sha'ir exmetjan osmanning shé'irliridin tallan'ghan 87 shé'ir kirgüzülgen. Mezkur kitabni neshirge teyyarlighuchi muqeddes xanimning éytishiche, kitabning muqawisidiki resimlerni yaponiyediki dangliq anime ressami oda tatsu'o ependim bilen ataqliq lahiyelighüchi yamashita yuki'o ependi sizip bergen.

Muqeddes xanim neshirge teyyarlighan kitabqa awstraliyidiki Uyghur ziyaliysi memetimin ela kirish söz yézip bergen.

Memetimin ela mezkur kitabning kirish sözide, qolingizdiki bu shé'irlar toplimining aptori bolghan exmetjan osman zadi kim? kim bu shé'irlarda sözlewatidu? shuningdek, bu shé'irlar exmetjan osmandin ibaret bu sha'ir arqiliq némilerni sözlewatidu? dégen su'aligha jawap bérip shundaq dep yazidu:

"Exmetjan osman aldi bilen ötken esirning 80 - yillirida Uyghur shé'iyet tarixida kem körülidighan, kölümi zor we tesiri chongqur bolghan bir heriketning bashlamchisidur. Uni bir éstétik oyghinish - aqartis - herikitining yétekchisi déyish mumkin u shé'irlirida en'ene bilen zamaniwiyliqtin halqighan bir boshluqni berpa qilghuchidur. Uning shé'irlirida shah meshreptiki isyankarliq, newayidiki nepis til, abdulxaliq Uyghurdiki pighan we sadir palwandiki dellik bar"dep yazghan.

Muqeddes xanimning éytishiche, muqawidiki ay we yultuz ayrim - ayrim halda sherqiy türkistan we yaponiyening dölet bayriqini ipadileydiken. Yaponiyediki Uyghur tilini yaxshi bilgen Uyghurshunaslar, tonulghan sha'ir exmetjan osmanning shé'irlirining tiligha we mezmunigha yuqiri baha bergen. Ular exmetjan osman shé'irliri toplining öz wetinide neshir qilinmighanliqigha bolghan endishisini bildürgen.

Toluq bet