Gwentanamodin qaytqanda: ababekri qasimning béshidin kechürgenliri - 6

Ababekri qatarliq 22 neper Uyghur yash gwentanamo türmisige élip kélinip uzaq ötmeyla xitay terep ewetken soraqchilar bu yerde peyda bolidu. Bu ish bu yerdiki Uyghur tutqunlarning tesewwurigha zadila sighmaydu. Xitay terepning soraqchiliri Uyghur tutqunlarni bir - birlep chaqirtip soraq qilghan bolsimu, lékin özliri istigen nersilerge érishelmeydu. Köpinche Uyghurlar hetta ularning so'allirigha jawab bérishnimu ret qilidu.

Xitay soraqchiliri ababekri qatarliq Uyghur yashlirigha ochuq - ashkara tehdit salidu. Ular: “Senler bügün bizge éghiz achmighininglar bilen, béyjinggha élip bérilghininglarda beribir éghiz achisiler. Hazir amérika éghir iqtisadiy krizis ichide turuwatidu. Ular silerni baqalmastin özliri bizge xewer berdi. Shunga biz bu yerge kelduq. Teqdiringlar yenila bizning qolimizda. Hazir ipadenglar yaxshi bolmisa, biz silerni junggogha élip barghandin kéyin köridighan kününglar bar téxi!...” dep tehdit qilidu.

Ababekri qatarliq Uyghur yashlar köngli ghesh halda soraqtin qaytip chiqidu. Uzun ötmeyla xitay soraqchilirimu gwentanamo türmisidin ghayib bolidu. Türme hayati burunqidekla dawam qilidu. Ular özlirining namelum kélechikini kütüp waqit ritimini bir kün bir kündin xoritidu…

(Dawami bar)