“Köz yéshida nemlen'gen zémin” (61-yil birinchi ay kanikol mezgili)

Men kanikolda öyge bérip, on turup qayttim.

Oqughuchilar kanikol jeryanida mektep teshkilige “Ayrim oqush” üstide ötünüsh we teleplerni yézip öz pikrini dawamliq bayan qilip turghan iken.

Lékin mektep teshkili bu pikirni ret qilip, zadi ayrim oqush muhim emes, eger ayrim oqushni telep qilidikensiler, silerge oqush yoq, mekteptin kétisiler, oquymiz deydikensiler, birliship oquysiler, bu yuqirining, mektep teshkilining buyruqi, dep uqturuptu.

61-Yili iyun

Ayding kéche, pütün etrap yopyoruq, shundaq chirayliq körünetti. Mekteptiki pütün binalar méhribanliq bilen külüp baqqandek del-derexler yazning yumshaq shamilida bizni erkiletkendek lingship yopurmaqliri bizge shiwirlighandek shildirlap turatti. Yazning salqin shamili yüzümni silap erkiletkendek bolup, yumshaq chachlirimni uchurup turatti....