Teklimakanni quchaqlap: merhum küresh kösenning hayatidin eslimiler - 17

Resim-1: merhum küresh kösenning depne murasimidin bir körünüsh (2006-yil öktebirning axiri)

Küresh kösenning wapati uning a'ilisidikiler üchünla emes, belki pütün dunyadiki herqaysi ellerde muhajir bolup yashawatqan Uyghurlar üchünmu éghir qayghu élip kélidu. Amérikidiki Uyghurlar, bolupmu küresh kösenning dostliri her tereptin yardem qilip munewwer xanimni shiwétsiyege yolgha sélishqa tirishidu.

Qolida shiwétsiyening menggülük olturumi bolsimu, lékin waqitliq pasportining waqti ötüp ketkenliki üchün yolgha chiqish qiyinlishidu. Hökümet orunlirining arilishishi bilen munewwer xanim axiri pasportsiz halda amérikidin shiwétsiyege uchqan ayropilan'gha chiqidu.

Munewwer xanim merhum küresh kösen depne qilinip üchinchi küni shiwétsiyege yétip kélidu. Uning köz aldida emdilikte merhum akisining külümsirep turghan chéhri emes, belki judaliq azabida yüriki pare - pare bolghan bir a'ile kishiliri peyda bolidu. Küresh kösenning jismi yat tupraqqa kömülidu, emma uning qelbige yiraqtiki wetinining söygüsi kömülidu…

Küresh kösen alemdin ötüp 7 yil ötken bügünki künde munewwer xanim merhum akisining hayati heqqide qayta oylinish élip bardi. U eslimisining axirqi qismida akisining hayati heqqide oylighanlirini radi'o anglighuchilargha teqdim qildi.

Programmining axirqi qismining tepsilatigha qiziqsingiz, 17 - qisimgha diqqet bergeysiz.