Хотәндин явропағичә (1): сәккиз йилдин кейин өз салаһийитини тепивелиш

Миңлиған уйғурлар дуч келиватқан паспорт алалмаслиқ қисмити яш қурбанҗанниңму бешиға келиду. Қәлбидики елимға болған тәшналиқ яш қурбанҗанни амал тепишқа қистайду. У башқиларниң йол көрситиши билән үч миң сом пул хәҗләп башқиларниң паспортиға өз рәсимини чаплитип, пүтүнләй башқа салаһийәттики йол хети һазирлайду. Амалсизлиқ ичидә зор хәвп - хәтәргә тәвәккүл қилған қурбанҗан бейҗиң айродромидики хитай паспорт контролиниң тәкшүрүшидин аман - есән өтүп пакистанға йетип бариду. Шундин башлап қурбанҗанниң кимлик салаһийити пүтүнләй өзгирип, башқиларниң исим - фамилиси билән йешиға алмишиду. Пакистанда оқуш пурситигә еришиш үчүн у бу бәдәлни төләшкә мәҗбур болиду. Вәһаләнки, иш буниң биләнла түгимәйду. Шуниңдин кейинки бирқанчә йилларда у қайта - қайта өз салаһийитини вә исим фамилисини өзгәртишкә мәҗбур болиду. Һәрқандақ гиражданниң әң әқәллий дәриҗидики қануний һоқуқлириниң бири болған, еқи қәғәз қариси сияһ болған, шундақла шәхсләрниң өз исим - фамилиси йезилидиған аддий паспортқа у задила еришәлмәйду. Өз кимлик салаһийити билән яшиялмаслиқтәк қисмәт униң тәқдирини пүтүнләй өзгәртиветиду...

Бүгүнки “кәчмиш вә әслимә” сәһипимиз қурбанҗан мудашниң һаят һекайисигә беғишланди.