"Yaq!" denglar

2013-09-21
Élxet
Pikir
Share
Print


Yalmap wetenni meqsetlik ishik qaqqan'gha yaq denglar,
Sizip halimni hesretlik külüp baqqan'gha yaq denglar,
Chayandur kim " Xizir yengligh" kélip chaqqan'gha yaq denglar,
Siyirlardin yiraq perqim, siyrip saghqan'gha yaq denglar,
Ne epsus baghrini " Dost" dep yérip yaqqan'gha yaq denglar.


Qedirlensem yéter esli bisatim weznige layiq,
Qazalmay ötti köp ömrüm jawahir xezinige layiq,
Éghir külpettidur jismim arandur nezmige layiq,
Köngüllük chaghlirim ketti, emesmen bezmige layiq,
Kétip tursun nawa izdep beder chapqan'gha yaq denglar.


Ézilgen xeste dillargha ezeldinla tutashtur dil,
Üzülmes anga rishtem urup -cheylep téremni shil,
Iradem sulmiqi müshkül we yaki yerge yeksan qil,
Yene hem meyli zarlansam ul teqlidde nurghun yil,
Zulumdin zari- zar qaqshap ghurur satqan'gha yaq denglar.


Talapet yep quruq sülhi-salagha ketti köp weslim,
Shamaldarip sürelmey bix baharsiz ötti töt peslim,
Yénimda emdi héchkim yoq yaralghandek bügün eslim,
Désem hergiz külüshmenglar, yamandur bolghunum teslim,
Bolay dep dost yalap yunda talap qachqan'gha yaq denglar.


Zuwan sürsem sélip qoqaq aramimni buzarmish him,
Béshimgha ursimu toqmaq turup turmaq zörürmish jim,
Anga qandaq köney emdi küreshchan tursa ejdadim,
Méni yutmaq bolghinidin hem xewersiz qalmisun héchkim,
Hoduqmastin asaretke chapan yapqan'gha yaq denglar.


Démek hardim chépip heryan emelge ashmidi héch ish,
Heqiqetke yumuldi köz, yamanlar yaqlinip yaz - qish,
Nadanlar destidin ürküp, möküp turmaqchimen tip -tinch,
Jakarlanglar yoqaldi dep jahanda bir yoli teshwish,
Iren qilmay kütüp hörlük chüshep yatqan'gha yaq denglar.

Toluq bet