តំណាង​អ្នក​បឹង​កក់​១៥​នាក់​ព្រមាន​នឹង​តវ៉ា​ដោយ​អត់​អាហារ​ក្នុង​ពន្ធនាគារ

អ្នក​ភូមិ​បឹង​កក់ និង​អ្នក​ភូមិ​បុរី​កីឡា ចំនួន​ជាង ១០០​នាក់ បាន​ជួប​ជុំ​គ្នា​នៅ​ខាង​មុខ​ស្ថានទូត​ជប៉ុន​ប្រចាំ​នៅ​កម្ពុជា និង​អគារ​ព្រឹទ្ធសភា ហើយ​បាន​ដាក់​ញត្តិ​ទៅ​ស្ថាប័ន​ទាំង ២​នេះ អោយ​ជួយ​អន្តរាគមន៍​ដោះ​លែង​តំណាង​ពួក​គេ ១៥​នាក់ ដែល​កំពុង​ជាប់​ពន្ធនាគារ​ព្រៃស អោយ​មាន​សេរីភាព។
ដោយ សុ ជីវី
2012-06-08
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
អ្នក​ភូមិ​បឹង​កក់ និង​បុរី​កីឡា ៣០៥
អ្នក​ភូមិ​បឹង​កក់ និង​បុរី​កីឡា ចំនួន​ជាង ១០០​នាក់ ជួប​ជុំ​គ្នា​នៅ​មុខ​ស្ថានទូត​ជប៉ុន និង​អគារ​ព្រឹទ្ធសភា អោយ​ជួយ​អន្តរាគមន៍​ដោះ​លែង​តំណាង​ទាំង ១៥​នាក់ កាល​ពី​ថ្ងៃ​ទី​៨ មិថុនា ឆ្នាំ​២០១២។
RFA/Uon Chhin

ការ​ទាមទារ​របស់​ពួក​គេ​នេះ គឺ​ស្រប​ពេល​ដែល​អ្នក​តំណាង​ទាំង ១៥​នាក់​នោះ បាន​ប្រកាស​ថា នឹង​ចាប់​ផ្ដើម​ការ​តវ៉ា​ដោយ​អត់​អាហារ​ក្នុង​ពន្ធនាគារ ប្រសិន​បើ​នៅ​តែ​បន្ត​ឃុំ​ឃាំង​ពួក​គេ ដោយ​ពួក​គេ​ពុំ​មាន​កំហុស។

ក្រុម​អ្នក​ភូមិ​បឹង​កក់ អ្នក​ភូមិ​បុរី​កីឡា និង​កូនៗ​របស់​ពួក​គេ អំពាវ​នាវ​ជា​ថ្មី​ទៀត ដើម្បី​អោយ​មាន​អន្តរាគមន៍​ដោះ​លែង​អ្នក​តំណាង ១៥​នាក់ ដោយ​សំអាង​ថា ពួក​គេ​ត្រូវ​ផ្ដន្ទាទោស​អោយ​ជាប់​ពន្ធនាគារ។

ការ​អំពាវ​នាវ​នេះ ធ្វើ​ឡើង​បន្ទាប់​ពី​ពួក​គេ​បាន​ស្នើ​សុំ​អន្តរាគមន៍​ពី​ស្ថាប័ន​កំពូល​របស់​ជាតិ​មួយ​ចំនួន​ដូច​ជា ព្រះបរមរាជវាំង រដ្ឋសភា និង​ក្រសួង​យុត្តិធម៌ អោយ​ជួយ​អន្តរាគមន៍​នៅ​មិន​ទាន់​មាន​ដំណោះ​ស្រាយ។

នៅ​ខាង​មុខ​ស្ថានទូត​ជប៉ុន និង​អាគារ​ព្រឹទ្ធសភា ក្មេងៗ​ជា​កូន​អ្នកភូមិ​បឹង​កក់ ជា​ច្រើន​នាក់ បាន​លុត​ជង្គង់​ច្រៀង​អង្វរ​ទាំង​ទឹក​ភ្នែក អោយ​ស្ថាប័ន​ទាំង​ពីរ​នេះ ជួយ​អោយ​ម្ដាយ​ពួក​គេ​មាន​សេរីភាព។ ស្រប​គ្នា​នេះ ពួក​គេ​ក៏​បាន​រៀប​រាប់​ពី​ការ​លំបាក​ដែល​ពួក​គេ​ជួប​ប្រទះ​នៅ​ពេល​ដែល​មិន​មាន​ម្ដាយ​រស់​នៅ​ជា​មួយ។

តំណាង​អ្នក​បឹង​កក់​ម្នាក់ អ្នក​ស្រី បូ ឆវី មាន​ប្រសាសន៍​ថា បើ​ទោះ​ជា​ពុំ​ទាន់​មាន​លទ្ធផល​យ៉ាង​ណា​ក៏​ដោយ ពួក​គេ​មិន​អស់​សង្ឃឹម​ឡើយ ពួក​គេ​​នឹង​នៅ​តែ​បន្ត​ការ​ទាម​ទារ​រហូត​មាន​ដំណោះ​ស្រាយ។

ស្រប​ពេល​ដែល​កូនៗ និង​អ្នក​ភូមិ​កំពុង​ស្វែង​រក​អន្តរាគមន៍​ពី​ស្ថាប័ន​កំពូលៗ និង​ស្ថានទូត​បរទេស​ប្រចាំ​កម្ពុជា​នេះ តំណាង​អ្នក​ភូមិ​បឹង​កក់​ចំនួន ១៥​នាក់ ដែល​កំពុង​ជាប់​ឃុំ​នៅ​ពន្ធនាគារ​ព្រៃស បាន​ព្រមាន​ថា នឹង​ធ្វើ​ការ​តវ៉ា​ដោយ​អត់​អាហារ ប្រសិន​បើ​ពុំ​មាន​ស្ថាប័ន​ណា​អើពើ​ជួយ​រក​ដំណោះ​ស្រាយ​អោយ​មាន​ការ​ដោះ​លែង​ពួក​គេ អោយ​មាន​សេរីភាព​ឡើង​វិញ​ទេ​នោះ។

តំណាង​អ្នក​ភូមិ​បឹង​កក់​ម្នាក់​ទៀត អ្នក​ស្រី ខែក ចាន់រស្មី បាន​អោយ​ដឹង​តាម​ទូរស័ព្ទ​ថា អ្នក​ស្រី​បាន​ទៅ​សួរ​សុខ​ទុក្ខ​អ្នក​តំណាង​ទាំង ១៥​នាក់ ហើយ​ពួក​គេ​បាន​ប្រាប់​ថា គេ​នឹង​អត់​អាហារ​អោយ​ស្លាប់ ប្រសិន​បើ​ពួក​គេ​ត្រូវ​បន្ត​ជាប់​ក្នុង​ពន្ធនាគារ​ដូច​ហ្នឹង អ្វី​ដែល​តុលាការ​បាន​ផ្ដន្ទាទោស​ពួក​គេ។

អ្នក​ភូមិ​បឹង​កក់​ចំនួន ១៣​នាក់ ត្រូវ​បាន​កង​កម្លាំង​អាជ្ញាធរ​ចាប់​កាល​ពី​ថ្ងៃ​ទី​២២ ឧសភា និង​ត្រូវ​កាត់​អោយ​មាន​ទោស ២​ឆ្នាំ​កន្លះ​ម្នាក់ ពី​បទ​រំលោភ​កាន់​កាប់​ដោយ​ខុស​ច្បាប់​លើ​អចលនវត្ថុ​របស់​នីតិបុគ្គល​សាធារណៈ និង​បទ​ប្រឆាំង​អាជ្ញាធរ​សាធារណៈ ដោយ​មាន​ស្ថាន​ទម្ងន់​ទោស។ ចំណែក​តំណាង​ពីរ​នាក់​ទៀត​ក៏​ត្រូវ​ចាប់​ខ្លួន នៅ​មុខ​តុលាការ​ក្រុង​ភ្នំពេញ ក្នុង​ពេល​រៀប​ចំ​ឯកសារ​ធ្វើ​សក្ខីកម្ម​អោយ​តំណាង ១៣​នាក់ កាល​ពី​ថ្ងៃ​ទី​២៦ ខែ​ឧសភា។

អ្នក​ស្រាវជ្រាវ​ឯករាជ្យ​ផ្នែក​អភិវឌ្ឍន៍​សង្គម លោក កែម ឡី បាន​លើក​ឡើង​ថា ការ​តវ៉ា​ដោយ​អត់​អាហារ​ជា​ក្រុម អាច​មាន​ប្រសិទ្ធភាព​ខ្លះ​ដែរ ប៉ុន្តែ​លោក​ពុំ​គាំទ្រ​អោយ​មាន​ការ​តវ៉ា​រហូត​ដល់​ការ​ធ្វើ​អត្តឃាត​ឡើយ។ លោក​បន្ត​ថា ករណី​របស់​អ្នក​ភូមិ​បឹង​កក់ នេះ គឺ​មាន​តែ​ស្ថាប័ន​ឧត្តម​ក្រុម​ប្រឹក្សា​នៃ​អង្គ​ចៅ​ក្រម​ទេ ដែល​អាច​ត្រួត​ពិនិត្យ និង​មាន​អន្តរាគមន៍​ករណី​នេះ​បាន។

នៅ​ពេល​នេះ​ដែរ អង្គការ​មិន​មែន​រដ្ឋាភិបាល​ជាតិ និង​អន្តរជាតិ​ចំនួន ៤៣ ធ្វើ​ការងារ​ពាក់​ព័ន្ធ​នឹង​សិទ្ធិ​ស្ត្រី​នៅ​កម្ពុជា បាន​ថ្លែង​ការណ៍​រួម ជំរុញ​អោយ​មាន​ការ​ដោះ​លែង​ស្ត្រី​អ្នក​ភូមិ​បឹង​កក់ ជា​បន្ទាន់ និង​បាន​ហៅ​ការ​ផ្ដន្ទាទោស​ពួក​គេ​នោះ គឺ​ជា​ការ​ប៉ុន​ប៉ង​គំរាម​កំហែង​ដល់​ប្រជាពលរដ្ឋ​ដទៃ​ទៀត អោយ​បញ្ឈប់​ការ​តវ៉ា ការពារ​សិទ្ធិ​ដី​ធ្លី និង​រារាំង​ដល់​សេរីភាព​បញ្ចេញ​មតិ​របស់​ស្ត្រី​ខ្មែរ។

នាយិកា​ប្រតិបត្តិ អង្គការ សីលការ អ្នក​ស្រី ធីតា ឃិះ មាន​ប្រសាសន៍​ថា ការ​បន្ត​ផ្ដន្ទាទោស​អ្នក​បឹង​កក់ ទាំង ១៥​នាក់ គឺ​ជា​តឹក​តាង​បង្ហាញ​សាធារណ​ជន ជាតិ និង​អន្តរជាតិ ពី​ភាព​អយុត្តិធម៌​ក្នុង​សង្គម​កម្ពុជា ដែល​ចាំ​បាច់​ត្រូវ​មាន​ដំណោះស្រាយ​ភ្លាមៗ។

ក្រុម​អង្គការ​មិន​មែន​រដ្ឋាភិបាល​បាន​បញ្ជាក់​ជា​ញឹក​ញយ​ហើយ​ថា បញ្ហា​ចម្បង​ដែល​ធ្វើ​អោយ​ជម្លោះ​ដី​ធ្លី​នៅ​ក្នុង​តំបន់​បឹង​កក់ មិន​អាច​បញ្ចប់​បាន គឺ​ដោយ​សារ​តែ​ភាព​មិន​ច្បាស់​លាស់ នៃ​ដី​ទំហំ ១២,៤៤​ហិកតារ ដែល​រដ្ឋាភិបាល​បាន​ប្រគល់​អោយ​អ្នក​ភូមិ​បឹង​កក់ សម្រាប់​ការ​អភិវឌ្ឍន៍​នៅ​ហ្នឹង​កន្លែង។ ភាព​មិន​ច្បាស់​លាស់​នោះ​ហើយ ដែល​ជំរុញ​អោយ​អ្នក​ភូមិ​បឹង​កក់ បន្ត​ការ​តវ៉ា អោយ​អាជ្ញាធរ​បោះ​ព្រំ​ដី និង​ផ្ដល់​ដី ទៅ​អោយ​អ្នក​ភូមិ​ដទៃ​ទៀត ដែល​ត្រូវ​ក្រុមហ៊ុន​បូម​ខ្សាច់​ពន្លិច។

មក​ដល់​ពេល​​​នេះ អ្នក​ភូមិ​បឹង​កក់​ពុំ​មាន​ឱកាស​នឹង​ផ្ដោត​ជា​ពិសេស​ទៅ​លើ​ការ​តវ៉ា​ដើម្បី​អោយ​អាជ្ញាធរ​បោះ​ព្រំ​ដី​ទំហំ ១២,៤៤​ហិកតារ នោះ​ទៀត​ឡើយ គឺ​វា​បាន​ជំនួស​ដោយ​ការ​តវ៉ា ដើម្បី​សេរី​ភាព ម្ចាស់​ដី​ចំនួន ១៥​នាក់​ទៅ​វិញ។ ពួក​គេ​បាន​បង្ហើយ​ហៅ​ស្ទើរ​រាល់​ថ្ងៃ នៅ​តាម​ដង​ផ្លូវ​នានា ក្នុង​ក្រុង​ភ្នំពេញ អោយ​មាន​អន្តរាគមន៍​ផ្ដល់​យុត្តិធម៌​ដល់​អ្នក​តំណាង​របស់​ពួក​គេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (6)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

Hun sen and his Serves not worry with this action, My thinking Please save your life for seeing when they DIE that punish by god.

Jun 10, 2012 11:38 PM

រាស្ត្រខ្មែរ

ពី Long Beach, California

បើអាចអត់បាយបានក៏គួរតែកាត់បន្ថយខ្លះទៅព្រោះខ្លាចគេលួចដាក់ថ្នាំបំពុលក្នុងអាហារ។

Jun 09, 2012 12:16 AM

darong

ពី Phnom Penh

IF HUN SEN STRONG ENOUGH WIHT THAILAND N VIETNAME I WILL RESPECT U HERO ,BUT RIGTH NOW YOU ARE INSECT ONLY WITH FOREIGNER , U JUST STRONG TO UR OWN PEOPLES SO POOR OF UR MINE

Jun 08, 2012 11:27 PM

Ponleu Rasmey

ពី Siem Reap

Try to help them out from prison because they are injustice.

Hun Xen !!! You must get out from you post now and my son which is 15 years old will replace you in a Prime Minister of Cambodia for leading Cambodia to be smoothly.

Jun 08, 2012 09:04 PM

អ្នក​អាន​អនាមិក

Bravo Sam Dachm HUN SEN. You do good.

Jun 08, 2012 08:56 PM

មើល​មតិ​ទាំង​អស់.