ពួកគាត់ត្រូវបានអាជ្ញាធររាជធានីភ្នំពេញ ឃុំខ្លួនអស់រយៈពេលប្រមាណមួយសប្ដាហ៍កន្លងមកហើយ។
ការសម្រេចចិត្តផ្លោះរបងចេញដោយខ្លួនឯងនេះ ធ្វើឡើងក្រោយពីអ្នកតំណាងរាស្ត្រគណបក្ស សម រង្ស៊ី អ្នកស្រី មូរ សុខហួរ បានអន្តរាគមន៍ទៅប្រធានមជ្ឈមណ្ឌលព្រៃស្ពឺ លោក វ៉ាន់ ង៉ាត់ សុំឲ្យដោះលែងអ្នកភូមិបុរីកីឡាឲ្យមានសេរីភាពវិញ ប៉ុន្តែប្រធានមជ្ឈមណ្ឌលមិនព្រមអនុញ្ញាតឡើយ។
អ្នកភូមិបានបញ្ជាក់ទៀតថា ពួកគាត់ពុំមានឈ្មោះក្នុងបញ្ជីជាផ្លូវការដែលត្រូវគ្រប់គ្រងមើលថែពីមជ្ឈមណ្ឌលនេះឡើយ ហើយពួកគាត់បានរង់ចាំលទ្ធផលចរចារកដំណោះស្រាយចំពោះក្រុមហ៊ុនផានអ៊ីម៉ិច ឈូសបំផ្លាញផ្ទះគាត់នោះ ក៏ប៉ុន្តែពុំមានផ្លែផ្កាអ្វីទាំងអស់។
ទោះយ៉ាងណាក្ដី ការចាកចេញរបស់ពួកគាត់នោះពុំមានការរារាំងពីកម្លាំងសន្តិសុខប្រចាំមណ្ឌល ឬអាជ្ញាធរនៅមូលដ្ឋាននោះទេ។
សូមស្ដាប់សេចក្ដីរាយការណ៍ពិស្ដារ៖
រូបភាព៖
