កងទាហានខ្មែរដោយដារតែមិនចង់ប្រទូសរ៉ាយជាមួយនឹងការបណ្ដេញនិងការលើកគ្នាមករបស់កងទ័ពឈុតខ្មៅថៃ បាននាំគ្នាចាកចេញ ហើយទាហានថៃបានកាន់កាប់ឈរលើប្រសាទតាមាន់ជាច្រើនម៉ោងរហូតដល់ម៉ោង២និង៣០នាទីរសៀលទើបនាំគ្នាដកចេញទៅវិញ។ ប៉ុន្តែមានសេចក្ដីរាយការណ៍តទៅទៀតថា បន្ទាប់ពីទាហានថៃមួយក្រុមបានចាកចេញពីប្រាសាទតាមាន់នោះមក គឺទាហានថៃមួយក្រុមមានគ្នាជិត១០នាក់ បានលើកគ្នាចូលទៅតាមច្រកព្រំដែនមួយទៀតរបស់ខ្មែរ គឺនៅច្រកប៉ប្រែក។
ច្រកប៉ប្រែកគឺនៅចម្ងាយប្រមាណតែ១គីឡូម៉ែត្រពីប្រាសាទតាមាន់តែប៉ុណ្ណោះ ហើយខណៈនោះកងទ័ពខ្មែរបានរុនច្រានកងទ័ពថៃទាំងនោះឲ្យចាកចេញទៅវិញ ប៉ុន្តែសេចក្ដីរាយការណ៍មកដល់រសៀលម៉ោង៤ ថ្ងៃ៦ កុម្ភៈនេះ បានប្រាប់ថា ស្ថានការណ៍បានស្ងប់ស្ងាត់ហើយ ប៉ុន្តែនៅតែមានការព្រួយបារម្ភថា អាចនឹងមានបញ្ហាកើតឡើងជាថ្មី៕