អតីតនាយករដ្ឋមន្ត្រីថៃ ថាក់ស៊ីន មកដល់ប្រទេសកម្ពុជា
ដោយ សេក បណ្ឌិត
2009-11-10
អតីតនាយករដ្ឋមន្រ្តីថៃ លោក ថាក់ស៊ីន ឈីនណាវ៉ាត្រ (Thaksin Shinawatra) បានមកដល់ប្រទេសកម្ពុជាហើយនៅព្រឹកថ្ងៃ១០ វិច្ឆិកា វេលាម៉ោងប្រមាណ៩ព្រឹក។
អតីតនាយករដ្ឋមន្រ្តីថៃ លោក ថាក់ស៊ីន ឈីនណាវ៉ាត្រ (Thaksin Shinawatra) [ឆ្វេង] ដើរចេញពីយន្តហោះផ្ទាល់ខ្លួននៅព្រលានយន្តហោះយោធាភ្នំពេញ នាថ្ងៃ១០ វិច្ឆិកា ២០០៩។
អតីតនាយករដ្ឋមន្រ្តីថៃ លោក ថាក់ស៊ីន ឈីនណាវ៉ាត្រ (Thaksin Shinawatra) ដែលធ្លាក់ពីតំណែងដោយរដ្ឋប្រហារយោធាកាលពីឆ្នាំ២០០៦នោះ បានមកដល់ប្រទេសកម្ពុជាហើយដោយសុវត្ថិភាពតាមជើងយន្តហោះផ្ទាល់ខ្លួន នៅថ្ងៃ១០ វិច្ឆិកា វេលាម៉ោងប្រមាណ៩:៤៥នាទីព្រឹក ម៉ោងនៅប្រទេសកម្ពុជា ក្នុងដំណើរទស្សនកិច្ចជាលើកដំបូងរបស់លោក បន្ទាប់ពីលោកត្រូវបានតែងតាំងជាទីប្រឹក្សាផ្ទាល់របស់លោកនាយករដ្ឋមន្រ្តី ហ៊ុន សែន និងជាទីប្រឹក្សាសេដ្ឋកិច្ចរបស់រដ្ឋាភិបាលកម្ពុជាកាលពីពេលថ្មីៗនេះ។
ថ្លែងប្រកាសនៅក្នុងសន្និសីទសារព័ត៌មានមួយនៅទីស្តីការគណៈរដ្ឋមន្រ្តីនៅព្រឹកថ្ងៃទី១០ វិច្ឆិកា រដ្ឋលេខាធិការនិងជាមន្រ្តីអ្នកនាំពាក្យនៃទីស្តីការគណៈរដ្ឋមន្រ្តី លោក ផៃ ស៊ីផាន បានឲ្យអ្នកសារព័ត៌មានដឹងថា លោក ថាក់ស៊ីន ត្រូវបានសាទរយ៉ាងកក់ក្តៅពីប្រជាជនក៏ដូចជារាជរដ្ឋាភិបាលកម្ពុជា ហើយជាពិសេសនោះនៅពេលអាហារថ្ងៃត្រង់របស់លោក ថាក់ស៊ីន កម្ពុជាបានរៀបចំមុខម្ហូបប្រមាណ៩មុខជាការស្វាគមន៍ដំណើរមកដល់របស់លោក ថាក់ស៊ីន ដោយមានវត្តមានលោកនាយករដ្ឋមន្រ្តី ហ៊ុន សែន ផ្តល់កិត្តិយសចូលរួមទទួលទានអាហារផងដែរ។
លោក ផៃ ស៊ីផាន បានមានប្រសាសន៍ថា ៖ «ឯកឧត្ដម ថាក់ស៊ីន បានមកដល់ព្រះរាជាណាចក្រកម្ពុជា ហើយនេះជាកិត្តិយសរបស់កម្ពុជាក្នុងផ្នែកសេដ្ឋកិច្ច ហើយយើងសង្ឃឹមថា កម្ពុជាទូទាំងប្រទេសនឹងស្វាគមន៍លោកយ៉ាងកក់ក្ដៅ»។
តែទោះយ៉ាងណាក្តី លោក ផៃ ស៊ីផាន មិនបានបញ្ជាក់តាមការជជីកសួរពីក្រុមអ្នកកាសែតដែលចោទសួរថា លោក ថាក់ស៊ីន មកមានគ្នាប៉ុន្មាននាក់ ហើយត្រូវស្នាក់នៅកន្លែងណាមួយនៅក្នុងប្រទេសកម្ពុជានោះទេ។
លោក ផៃ ស៊ីផាន បានឲ្យដឹងថា លោក ថាក់ស៊ីន អាចស្នាក់នៅកម្ពុជាប្រមាណ៣ថ្ងៃ ហើយបើតាមគម្រោង នៅព្រឹកថ្ងៃព្រហស្បតិ៍ ទី១២ វិច្ឆិកា លោក ថាក់ស៊ីន នឹងជួបជាមួយអ្នកសេដ្ឋកិច្ចចំនួន៣០០នាក់នៅឯក្រសួងសេដ្ឋកិច្ចនិងហិរញ្ញវត្ថុ ដើម្បីធ្វើបថកថាពីបញ្ហាសេដ្ឋកិច្ចជាការបំពេញតាមតួនាទីរបស់លោកជាលើកដំបូងនៅក្នុងប្រទេសកម្ពុជា។
តាមសេចក្តីរាយការណ៍ពីបណ្តាញសារព័ត៌មាននានាបានឲ្យដឹងថា ប្រទេសថៃបានត្រៀមសំណុំឯកសាររួចអស់ហើយដើម្បីផ្ញើមកម្ពុជា ដោយសុំឲ្យកម្ពុជាធ្វើបត្យាប័ន ឬភាសាសាមញ្ញហៅថាចាត់ការបញ្ជូនលោក ថាក់ស៊ីន ត្រឡប់ទៅឲ្យប្រទេសថៃវិញ ប៉ុន្តែលោក ផៃ ស៊ីផាន មានប្រសាសន៍ថា កម្ពុជានៅមិនទាន់បានទទួលឯកសារស្នើសុំនោះជាផ្លូវការនៅឡើយទេ។
លោក ផៃ ស៊ីផាន បានបញ្ជាក់ថា ៖ «យើងជឿថា ថៃមានសិទ្ធិគ្រប់គ្រាន់ក្នុងការផ្ញើឯកសារទាំងឡាយទាំងពួងក្នុងការកោះហៅក្នុងការសុំអ្វីដែលរាជរដ្ឋាភិបាលកម្ពុជាត្រូវធ្វើ ក៏ប៉ុន្តែគួរឲ្យសោកស្ដាយដែល អាភីស៊ិត បានដកទូតគេទៅវិញ ថាតើក្រដាសហ្នឹងមកតាមផ្លូវណា?»។
តែទោះយ៉ាងណាក្ដី ជំហររដ្ឋាភិបាលកម្ពុជាគឺមិនធ្វើបត្យាប័នលោក ថាក់ស៊ីន ទៅប្រទេសថៃវិញឡើយ។
ការធ្វើដំណើរមកប្រទេសកម្ពុជារបស់លោក ថាក់ស៊ីន ដែលជាប្រទេសមួយមានព្រំដែនជាប់ជាមួយប្រទេសថៃ ទាំងព្រំដែនគោកនិងព្រំដែនទឹកនោះ បានធ្វើឲ្យមានមតិស្របនិងជំទាស់កើតមានយ៉ាងច្រើនក្នុងចំណោមប្រជាពលរដ្ឋកម្ពុជានិងថៃ ហើយការមកប្រទេសកម្ពុជារបស់អតីតនាយករដ្ឋមន្ត្រីថៃរូបនេះបានធ្វើឲ្យទំនាក់ទំនងកម្ពុជាថៃដែលមានស្ថានភាពមិនល្អខាងការទូតនោះ អាចកាន់តែមានភាពតានតឹងថែមទៀត៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
មន្ត្រីជាន់ខ្ពស់៖ កម្ពុជាមិនបានផ្ដល់សញ្ជាតិខ្មែរឲ្យថាក់ស៊ីនទេ
ស្ថានភាពបក្សប្រឆាំងបន្ទាប់ពីប្រធានត្រូវផ្ដន្ទាទោស
សមរង្ស៊ីអំពាវនាវឲ្យសហគមន៍អន្តរជាតិជួយរកយុត្តិធម៌
មន្ត្រីស.រ.អា.៖ រាល់ការកាត់ក្ដីរបស់តុលាការខ្មែរគួរធ្វើឡើងឲ្យមានតម្លាភាព
សមរង្ស៊ីនឹងមិនចូលស្រុកបើពលរដ្ឋ២នាក់មិនត្រូវបានដោះលែង
តុលាការខែត្រស្វាយរៀងកាត់ទោសឲ្យសមរង្ស៊ីជាប់គុក២ឆ្នាំ
នាយករដ្ឋមន្រ្តី៖ ទេសចរកើនឡើងនៅកម្ពុជាដោយសារស្ថិរភាពនយោបាយល្អ
សមរង្ស៊ីនឹងរងការចោទបន្ថែមបើមិនឈប់ផ្សព្វផ្សាយពីបញ្ហាព្រំដែន
ថាក់ស៊ីនចាកចេញពីប្រទេសកម្ពុជា
មន្រ្តីបក្សសមរង្ស៊ីនៅស្វាយរៀងជាប់ទោសពីបទបំផ្លាញទ្រព្យសម្បត្តិឯកជន
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
The present S. Korea president, Ly Myong Bac was also economic adviser. S. Korea is one of the world economic prosperous countries around top 10. But Cambodia is still poor (GDP, others) and debt increase year by year. Thailand is very far behind S. Korea. In this context, do we expect Takshin contributes to Cambodian economic development better than/similar to Thailand or S. Korea? Economic reason to have the adviser is very weak? <br>Remember, although N.Vietnam and S.Vietnam fought each other some decades ago, they never damaged their national interest. do we think we (khmer) can cause thai fight each other (in the same way we are fighting) and we benefit from that? Thailand may become red by the red T-shirt? <br>Takshin case has many implications from micro to macro scale. <br>Uncle advice" when the tigers are strong, let cause them fight each others" they are exhausted and killed at the end. <br>Thanks
2009-11-12 05:35
what benefit after appoint Mr.Thaksin as an Economic adviser. <br>Everybody wait you see the result. <br>is it benefit to Cambodia or to MR.Thaksin? Khmer people still poor or become better?
2009-11-12 02:40
I really agree with you bro cos i remember the Lung Vek city was inwaded by Tai troop as the result of the tricky Tai, they fooled our king and grabed the landddddddddddddd.so kon khmer must remember that lesson and keep en eye on Himmmmm.
2009-11-11 23:44
Last year, 2008,there was a thai monk lost his way into Preah Vihear province ,cambodia . Then thai troops were called and expand over Cambodia's territory....what is going to happen now, when Thaksin Sinawatra in Phnom Penh?....are thai troops going to augment all their troops and took over Cambodia?? I am so worried!....Hmm.......! <br>However, Cambodia and Cambodian are very kind and gracious nation on earth. we are always welcome all walks of life! <br> <br>
2009-11-11 06:00
Dear all, <br>He is Thai. How can? He is a skillful in corruption. He will kill us. He is like HIV or A(H1N1). Remember our history, the time we help vietname when the north and the south fight againt eachother. Finaly, it's a policy of vietnames. They attract us to invole with them and kill us. I'm not sure, but the history may back. Remember that we are khmer Thaksin is Thai!!!!
2009-11-11 04:29
មើលមតិទាំងអស់.