大陸嚴禁孕婦鑑定胎兒性別，亦禁止將血液帶到去外地檢驗，結果衍生更多社會問題。不少想提早知道胎兒性別的父母，為不法企業提供一條收入可觀的財路，有內地診所聯同香港中介公司，將內地孕婦血液偷偷帶到香港檢驗，情況值得中港兩地執法部門關注。（禾苗／黃樂濤 報道）
內地兩年前解除一胎政策，容許獨生夫婦可以生第二胎。
上水區最近出現了一間醫療中介公司，主要向內地人提供檢驗血液檢測，以鑑定胎兒性別。由於現時內地禁止將孕婦把血液帶到外地檢驗，但呢間香港中介公司暗地裡安排內地中介人將血液帶到香港。
香港中介公司職員陳小姐接受本台查詢時，承認可以提供帶血過關嘅服務。
上水中介公司職員：呢個錢應該係大陸中介收，如果佢唔過黎，只有搵大陸中介人。佢要喺大陸個邊搵個醫生做一個Ｂ超。（超聲波），跟住揸住B超過黎。
記者根據香港中介公司宣傳單張，搵到內地中介人小黃，佢話平時都由佢親自將血來香港。
內地中介人：都是你們抽了血寄了血過來，我再幫你帶到去香港。
中介話有好多孕婦都唔敢過關，所以就託他們將血液帶到去上水公司做化驗，每人收費三千蚊人民幣，收費包括一份化驗報告、運送費同埋試管。
內地中介人：現在很多懷孕都不敢過去..前三個月..過海關有人望到你有沒有懷孕，但是有懷孕，就遣回去（內地）。
但中介承認帶血過關，存在一定嘅風險。
內地中介人：如果帶血過去，其實是會罰錢，但是風險挺大，但是我們習慣了，還可以了。
記者事後根據小黃提供的資料，去到深圳寶安坪洲一間比較大型嘅內科專科門診。診所職員表示，每次抽血收費100元人民幣。
內地診所職員：如果要抽呢邊有，100蚊抽一次喎。有個朋友佢喺香港個邊，佢會帶啲試管過來叫我幫佢抽，抽完佢就直接坐地鐵到香港。
診所職員話，內地孕婦只要懷孕至少7周，唔需要拎任何醫生推薦信，便可以喺香港做化驗，保證準確率達99.8%以上，最快兩日之內知道測試結果。佢話孕婦早啲知道bb係男定女，就可以方便佢地選擇性咁去墮胎。
診所職員：呢邊可以偷偷地照B超.，四個月嘅時候。
內地診所職員：照B超都可以，但等到四個月，你個胎唔長唔要，對身體傷害俾你兩個月嘅時候差好多。
記者亦請教過香港的婦科醫生，是否懷孕七周就可以抽血做胎兒性別鑑定?醫生指抽血驗性別可能會出現誤差，例如孕婦在短時間內曾經流產或者墮胎等等，所以建議孕婦喺檢驗之前最好徵詢醫生意見，了解自己身體狀況。
本身係立法會議員嘅涂謹申律師話，內地實施單獨二孩政策，令一些重男輕女嘅父母會選擇性墮胎。
涂謹申律師：我估就算宜加放寬到二孩政策，都仍然會有一啲傳統嗁諗法，有啲家庭想點都兩個裡面有一個係仔，或者甚至最好仔，都唔寧願譬如兩個都係女，佢地都可能接受唔到，攞啲血液來港做測試，佢地唔喜歡，可能就去墮胎，當然呢個係好唔理想。
涂謹申又話呢這個政策限制了國民生育嘅權利。但內地始終認為中國國情，如果太多人口，可能對國家不利。