​«ភាព​មិន​ប្រក្រតី និង​ការ​អនុវត្ត​ស្តង់ដារ​ពីរ​ជុំវិញរឿង​យុវជន យិន ហេង ឬ​ចំប៉ី​ខ្មៅ ប្រមាថ​ជាតិ​សាសន៍​ខ្មែរ»

ដោយ មាន ឫទ្ធិ
2019-02-08
អ៊ីម៉ែល
មតិ
Share
បោះពុម្ព
អនុ​ប្រធាន​គណបក្ស​សំបុក​ឃ្មុំ​សង្គម​ប្រជាធិបតេយ្យ លោក​បណ្ឌិត ហ៊ាង ឬទ្ធី ថ្លែង​ក្នុង​ពិធី​សមាជ​បក្ស​លើក​ដំបូង កាល​ពី​ថ្ងៃ​ទី​៩ កញ្ញា ឆ្នាំ​២០១៥។
អនុ​ប្រធាន​គណបក្ស​សំបុក​ឃ្មុំ​សង្គម​ប្រជាធិបតេយ្យ លោក​បណ្ឌិត ហ៊ាង ឬទ្ធី ថ្លែង​ក្នុង​ពិធី​សមាជ​បក្ស​លើក​ដំបូង កាល​ពី​ថ្ងៃ​ទី​៩ កញ្ញា ឆ្នាំ​២០១៥។
RFA/Uon Chhin

នាទី​វេទិកា​អ្នក​ស្ដាប់​វិទ្យុ​អាស៊ី​សេរី​នា​រាត្រី​ថ្ងៃ​ទី៨ ខែ​កុម្ភៈ ឆ្នាំ២០១៩ ពិភាក្សា អំពី «ភាព​មិន​ប្រក្រតី និង​ការ​អនុវត្ត​ស្តង់ដារ​ពីរ​ជុំវិញ​សំណុំ​រឿង​យុវជន យិន ហេង ឬ​ចំប៉ី​ខ្មៅ ពាក់ព័ន្ធ​នឹង​ការ​ប្រមាថ​ជាតិ​សាសន៍​ខ្មែរ»

វាគ្មិន​កិត្តិយស៖ បណ្ឌិត ហៀង រិទ្ធិ អ្នក​ជំនាញ​ផ្នែក​ច្បាប់ និង​លោក នី សុខា ប្រធាន​ផ្នែក​អង្កេត​សិទ្ធិមនុស្ស នៃ​សមាគម​ អាដហុក (ADHOC) ដែល​លោក​ទាំង​ពីរ​ចូលរួម​តាម​ប្រព័ន្ធ​ទូរស័ព្ទ​ពី​កម្ពុជា។

យុវជន យិន ហេង ដែល​មហាជន​ទូទៅ​ស្គាល់​តាម​បណ្តាញ​សង្គម ហ្វេសប៊ុក ថា «ចំប៉ី​ខ្មៅ» ត្រូវ​បាន​តុលាការ​បញ្ជូន​ទៅ​ឃុំ​ខ្លួន​បណ្តោះអាសន្ន​នៅ​ពន្ធនាគារ​ព្រៃ​ស កាល​ពី​ថ្ងៃ​ទី៦ កុម្ភៈ ក្រោម​បទ​ចោទ​ថា ញុះញង់​ឲ្យ​មាន​ការ​រើសអើង ស្រប​តាម​មាត្រា ៤៩៤ និង​មាត្រា ៤៩៦ នៃ​ក្រម​ព្រហ្មទណ្ឌ។ យុវជន​រូប​នេះ ប្រឈម​មុខ​នឹង​ការ​ជាប់​ពន្ធនាគារ​ពី ១ឆ្នាំ ទៅ ៣ឆ្នាំ ប្រសិន​បើ​តុលាការ​រក​ឃើញ​ថា ពិត​ជា​បាន​ប្រព្រឹត្តិ​កំហុស​មែន។

ការ​ចោទ​ប្រកាន់​យុវជន «ចំប៉ី​ខ្មៅ» នេះ ធ្វើ​ឡើង​បន្ទាប់​ពី​យុវជន​រូប​នេះ បង្ហោះ​វីដេអូ​លើ​បណ្ដាញ​សង្គម​ហ្វេសប៊ុក កាល​ពី​ថ្ងៃ​ទី៤ កុម្ភៈ ជេរ​ប្រមាថ​ជាតិ​សាសន៍​ខ្មែរ ដោយសារ​តែ​មាន​បុរស ៣នាក់ បាន​ប្រើ​អំពើ​ហិង្សា​វាយ​ក្បាល​យុវជន​នេះ។ វីដេអូ​ជេរ​ប្រមាថ​របស់​ចំប៉ី​ខ្មៅ​នេះ ​នាំ​ឱ្យ​មាន​ការ​ខឹង​សម្បារ​ក្នុង​ចំណោម​អ្នក​ប្រើប្រាស់​បណ្ដាញ​សង្គម​ហ្វេសប៊ុក បើ​ទោះ​ជា​យុវជន​រូប​នេះ ក្រោយ​មក​បាន​បង្ហោះ​សារ​វីដេអូ​សុំ​ទោស​យ៉ាង​ណា​ក្តី។ សមត្ថកិច្ច​ក្រុង​ភ្នំពេញ ឃាត់​ខ្លួន​យុវជន​រូប​នោះ​បញ្ជូន​ទៅ​តុលាការ​កាល​ពី​ថ្ងៃ​ទី៥ កុម្ភៈ។ ក្រោយ​ពី​ការ​ចាប់​ខ្លួន​យុវជន​នេះ សមត្ថកិច្ច​ក្រុង​ភ្នំពេញ បាន​អនុញ្ញាត​ឱ្យ​ក្រុម​អ្នក​កាសែត ក្រុម​ប៉ូលិស និង​ក្មួយ​លោក ហ៊ុន សែន ឈ្មោះ ហ៊ុន ជា ដែល​សង្ស័យ​ថា ចេញ​ពី​ពន្ធនាគារ​មុន​កាល​កំណត់ អង្គុយ​ទល់មុខ​ដោយ​យក​ដៃ​ចង្អុល​មុខ​ជន​សង្ស័យ សួរ​ចម្លើយ​ជា​សាធារណៈ​ថត​បង្ហោះ​ផ្សាយ​ផ្ទាល់​តាម​បណ្ដាញ​សង្គម។ លោក ហ៊ុន ជា មិន​មែន​មន្ត្រី​សមត្ថកិច្ច​នៅ​ក្នុង​មូលដ្ឋាន ដែល​ត្រូវ​សួរ​ចម្លើយ​ជន​សង្ស័យ​នោះ​ទេ។ លោក ហ៊ុន ជា អះអាង​ថា លោក មិន​ពេញ​ចិត្ត នឹង​ទង្វើ​ជេរ​ប្រមាថ​ជាតិ​សាសន៍​ខ្មែរ របស់​យុវជន​នេះ ហើយ​លោក​ធ្វើ​នេះ ក្នុង​នាម​ជា​ពលរដ្ឋ​ខ្មែរ​មួយ​រូប។  បញ្ហា​នេះ រង​ការរិះគន់​ពី​អ្នកឃ្លាំមើល​សិទ្ធិមនុស្ស​ថា ជា​ទង្វើ​រំលោភ​សិទ្ធិ​ជនសង្ស័យ ដែល​ត្រូវ​បាន​ការពារ​តាម​ផ្លូវ​តុលាការ

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល