លោកវេជ្ជបណ្ឌិត សុខ ទូច ប្រធាននាយកដ្ឋានប្រយុទ្ធប្រឆាំងជំងឺឆ្លងនៃក្រសួងសុខាភិបាលបានបញ្ជាក់អំពីការស្លាប់របស់កុមារីនោះ នៅល្ងាចថ្ងៃទី១៣ កុម្ភៈ ថា ក្រោយពីមកសម្រាកព្យាបាលនៅមន្ទីរពេទ្យកុមារគន្ធបុប្ផា កាលពីថ្ងៃទី៦ កុម្ភៈ មក ឥឡូវកុមារីអាយុ ៣ឆ្នាំ មកពីខេត្តកំពត នោះ បានស្លាប់ហើយ។
នេះជាករណីស្លាប់ទី៦ ដោយសារមេរោគផ្តាសាយបក្សី H5N1 នៅក្នុងដើមឆ្នាំ២០១៣ នេះនៅកម្ពុជា។
កុមារីដែលឆ្លងមេរោគផ្តាសាយបក្សីហើយស្លាប់នោះ មានទីលំនៅភូមិត្រពាំងកំភ្លាញ ឃុំអង្គភ្នំតូច ស្រុកអង្គរជ័យ ខេត្តកំពត។
ការធ្វើតេស្តពិសោធន៍ដោយវិទ្យាស្ថានប៉ាស្ទ័រកម្ពុជា រកឃើញថា កុមារីនោះមានមេរោគផ្តាសាយបក្សី H5N1 កាលពីថ្ងៃទី១១ កុម្ភៈ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។